Дэлхийн нэг хэсэгт дайн дажин болж байхад нөгөө талд нь тайван, сайхан амьдрал үргэлжилж байх.
Их Британийн гурав дахь үеийн угсаа залгамжлагч Жорж Александр Луис эцэг, эхийн хамт Австрали, Шинэ Зеландаар анхны айлчлалаа хийсэн билээ.
Хэдийгээр энэ нь хааны гэр бүлийн зүгээр л нэг аялал мэт харагдах ч улстөрийн асар их нөлөөтэй айлчлалууд боллоо гэж олон улсын хэвлэлүүд онцолж байгаа юм.
Тухайлбал ханхүү Жоржийг албан ёсоор бусад улс орноор дагуулан явж бяцхан хүүгийн өхөөрдөм төрх, байдал нь хааны гэр бүлийг хүндэтгэх хайр хүндлэлийг улам бүр нэмэгдүүлэх, бэхжүүлэх ажээ. Түүнчлэн аз жаргалтай залуу хосууд, өхөөрдөм бяцхан хүүгийн төрх нь дэлхийн хүн амын уур амьсгалыг зөөлрүүлж алаан хядлага, бослого, тэмцэл бүхнээс өөр зүйлд буюу сайн сайханд анхаарал хандуулах айлчлал боллоо гэж үзэж байна.
Нээрээ л олон улсын агентлаг, хэвлэл мэдээллийн хэрэгслүүдийн онцлох халуун сэдэв нь үргэлж л сүйрсэн онгоцнууд, дайн дажин, улстөрийн тэмцэл, бослого гэх зүйлүүдээр дүүрч байгаа энэ өдрүүдэд үүнийг зөөллөх, хүмүүсийн сэтгэлийг гэр бүл, үр хүүхэд рүүгээ анхаарал хандуулах эерэг сайхан үйл явдлууд дутагдсаар.
Тиймээс ч барууны хэвлэлүүд билэг тэмдэг болсон хааны гэр бүлийн үлгэр болох зүйлүүдийг онцлохыг хичээсээр байна.
Өчигдөр Ханхүү Уильям, Гүнгийн ахайтан Кейт Миддлтон нарын хуримын ойн баяр болжээ. Гэхдээ тэд энэ өдрийг сүр дуулиантай тэмдэглэж сүйд болоогүй. Хааны гэр бүлийн залуу хос хуримын ойгоо гэртээ даруухан тэмдэглэж өнгөрөөсөн байна.
Барууны хэвлэлүүд тэдний ойд зориулсан залуу хосын хэвлэлийн хуудаснаа буусан "гал халуун" зурагнуудыг ийнхүү онцолжээ.