"Монгол Улс 1923 оноос эхлэн вакциныг нэвтрүүлснээр хүн амын дундах халдварт өвчний тохиолдол эрс буурч зарим халдварыг устгаж чадсан"

11 настай охид, хөвгүүдэд хийх хүний папиллома вирусийн эсрэг дархлаажуулалт өчигдөр орон даяар эхэлсэн. 

Үүнтэй холбогдуулан Эрүүл мэндийн яам /ЭМЯ/-ны Нийгмийн эрүүл мэндийн бодлогын газрын дарга Л.Баттөр дараах мэдээллийг өгсөн юм. 

Манай улс Дархлаажуулалтын тухай хуулийг 2000 оноос батлан хэрэгжүүлж эхэлсэн бөгөөд 2023 оны аравдугаар сард УИХ-аар тус хуульд нэмэлт өөрчлөлт оруулж заавал хийх дархлаажуулалтад А вирус гепатит, Пневмокок, хүний папиллома вирусийн эсрэг сэргийлэх тарилгыг нэмжээ. 

Монгол Улс 1923 оноос эхлэн дараах вакцинуудыг нэвтрүүлснээр хүн амын дундах дархлаажуулалт бүхий халдварт өвчний тохиолдол эрс буурч зарим халдварыг устгаж чадсан гэв.