Нийслэл хотод ирэх долоо хоногийн Даваа гарагаас дулааны шугамын засвар эхэлнэ

Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэл хотын орон сууцны айл өрх, эмнэлэг, сургууль, цэцэрлэгийн халаалт энэ долоо хоногийн Баасан гарагаас есдүгээр сарын 15-ныг хүртэл зогсоно.

Энэ хугацаанд дулааны шугамын өргөтгөл, шинэчлэлийн засварын ажил эхэлж, нийт найман удаагийн зогсолтоор хэрэглээний халуун усыг хязгаарлана гэж "Улаанбаатар Дулааны Сүлжээ" ТӨХК-аас мэдээлэв.

Дулааны шугамын засварын ажил тавдугаар сарын 18-наас наймдугаар сарын 13-ны хооронд үргэлжлэх юм байна.

Тодруулбал эхний ээлж буюу тавдугаар сарын 18-ны Даваа гарагаас 28-ны хооронд /10 хоног/ дараах байршлуудад халуун ус хязгаарлана.

• БӨҮР
• Говь-2 ХК орчим
• Вива сити
• Шинэ яармаг хорооллууд
• ХУД-ийн нэгдсэн эмнэлэг
• Нийслэлийн шинэ төв Хангард орчмын хэрэглэгчид
• Ирээдүй хороолол
• БҮК орчмын хэрэглэгчид
• Төв цэнгэлдэх
• Хүннү хороолол
• Рапид хороолол
• 120 мянгат
• Туулын хөвөө
• Зайсан орчмын орон сууцны хороолол
• Арьс ширний үйлдвэрийн район
• 19-р хороолол орчмын хэрэглэгчид. Дэлгэрэнгүй хуваарийг ЭНД дарж харна уу.

10е магистралийг V/20-нд ажиллагаанд залгана.

Энэ хугацаанд ИЗ-706-ИЗ-706-17 хооронд 2Ф400мм голчтой 295.5 хос метр шугамыг шинэчлэн солих, 3д магистраль авто зам доогуур нэвтрэх сувагчлал хийж, 2Ф400мм голчтой буцах шугамыг 1Ф700мм голчтой болгон өргөтгөх, ИЗ-1087 цэгт таслах 1Ф800мм, ИЗ-10105 /У-15/ цэгт таслах 1Ф800мм, ДХ-746 цэгт салааны 1Ф300мм, ДХ-10165 цэгт салааны 2Ф300мм, ДХ-746 цэгт салааны Ф250мм таслах хаалтуудыг тус тус шинэчлэн солино.

ДХ-746 цэгт 2Ф800мм голчтой компенсатор шинэчлэн солино. Урсгал засварын ажил хийгдэнэ гэв.

Иргэд 70047005 дугаарын утсанд хандаж санал, хүсэлтээ хэлэх боломжтойг санууллаа.