Б.Энхтүвшин: Он дуустал шатахуун, түлшний үнэ НЭМЭГДЭХГҮЙ
Шатахууны үнэ нэмэгдсэн гэх мэдээлэлд Аж Үйлдвэр, Эрдэс Баялгийн Яамнаас дахин залруулга хийлээ.
Өчигдөр зохион байгуулсан хэвлэлийн хурлын үеэр Евро-5 стандартын АИ-92 болон ОХУ-аас импортолдог энгийн АИ-92 шатахуун нь үнийн болон чанарын зөрүүтэйг тайлбарласан.
Харин өнөөдөр Дэд сайд нь үнийн ялгаатай байдлыг тодруулан ярьсны зэрэгцээ он дуустал шатахуун түлшний үнэ нэмэгдэхгүй гэж онцлов.
Тэрбээр "Евро-5 нь тонн тутамдаа 860-890 ам.доллароор орж ирж байгаа. Энгийн буюу Ангарскийн үйлдвэрээс ирж байгаа нь 705 ам.доллар. Зөрүү бий учраас тэр үнээрээ зарахгүй бол аж ахуйн нэгж алдагдал хүлээнэ.
Дэлхийд ОХУ, Монголоос өөр энгийн АИ-92 гэсэн ойлголт байхгүй. Энэ нь техник технологийн хувьд хоцрогдсон гэж хэлж болно. Хүхрийн хүчлийн хийг агаарт их цацдаг. Киргизстан болон Монгол Улс авдаг байсан гэдэг мэдээлэл бий. 2026 оноос Киргизстан авахгүй, зөвхөн Монгол авна. Бид ОХУ-д хүсэлтээ тавьж, зовлонгоо тоочиж, бүх аргаараа бүтээгдэхүүний нийлүүлэлтийг нэмэгдүүлэхээр ажиллаж байна" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
