Ж.Чинбүрэн: ЭМДС-гийн завших зөрчлийг илрүүлсэн ч хариуцлага тооцоогүй. Энэ нь "хулгай хийгээд бай" гэсэн үг үү
Засгийн газрын ээлжит хуралдаанаас гаргасан шийдвэрийг танилцууллаа.
Энэ үеэр эрүүл мэндийн салбарын ажилчдын цалинг 75 хувь нэмэгдүүлэх талаар Эрүүл мэндийн сайд Ж.Чинбүрэн хэлэв.
Үргэлжлүүлэн Эрүүл Мэндийн Даатгалын Сан (ЭМДС)-гийн зөрчлийг хянан шалгахтай холбоотой сэтгүүлчийн асуултад тэрбээр дараах хариултыг өгсөн юм.
Сэтгүүлч: ЭМДС-гийн дотоод асуудлыг яаж өөрчлөх вэ. Хянан шалгаад зөрчил илэрвэл хэрхэн хариуцлага тооцох вэ?
Сайд Ж.Чинбүрэн: Эрүүл Мэндийн Даатгалын Ерөнхий Газрын даргыг сольж хариуцлага өгч байгаа асуудал бол хяналтыг сайжруулах явдал.
Сар бүр 2,000,000-2,300,000 нэхэмжлэх ирж байгаа. Үүний ердөө гурван хувь хүрэхгүйг нь шалгаж байна. Хянан шалгадаг тогтолцоогоо 40 хүргэж, илүү цахимжуулъя.
Гарсан зөрчлөө илрүүлчхээд хариуцлага тооцохгүй яваад байна гэдэг чинь өөрөө “хулгай хийгээд бай”, “зөрчил гаргаад бай” гэсэн үг үү.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
