Өнөө шөнө Дорнодын хойд болон зүүн хэсгээр их цас орж цасан шуурга шуурна
IKON.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Арваннэгдүгээр сарын 7-8-нд шилжих шөнө буюу өнөө шөнө Дорнодын хойд болон зүүн хэсгээр их цас орж, цасан шуурга шуурахыг цаг уурын байгууллагаас анхаарууллаа.
Мөн өнөө шөнө Төв, Сэлэнгэ, Хэнтий, Дорнодын нутгаар цас орж, цасан шуурга шуурч, хүйтэрч, үзэгдэх орчин хязгаарлагдаж, зам, даваа гүвээнд халтиргаа гулгаа, мөстөлт үүсэж, говь, тал, хээрийн нутгаар салхи шуургатай байхыг онцгойлон анхаарууллаа.
ЗӨВЛӨМЖ:
- Мэргэжлийн байгууллагаас гарч байгаа мэдээллийг тогтмол харах
- Дээр дурдсан цаг агаар муудах аймаг сумдын малчид, мал бүхий иргэд цасан шуурга өнгөртөл малаа ойр бэлчээх
- Бага насны хүүхдийг малд явуулахгүй байх
- Хөгжлийн бэрхшээлтэй иргэн, бага насны хүүхдийг хараа хяналтгүй орхиж болохгүй
- Гэр орноо бэхлэх
- Хоол хүнс, түлшээ хангалттай бэлдэх
- Мал хариулах, уруудсан малынхаа араас явах тохиолдолд дулаан хувцас, уналга, тээврийн хэрэгслээ найдвартайг нягталж шалгах. Цасан шуургатай үед аль болох уруудсан малынхаа араас явалгүй ойрхон хашаалах хэрэгтэй байна. Малынхаа араас явж байгаад төөрөх, амь насаараа эрстэх эрсдэл үүсдэг.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
