Өчигдөр нэг өрхийн хоёр иргэн угаарын хийн хордлогын улмаас амиа алджээ
Угаарын хийн хордлогод өртөж эмнэлгийн тусламж үйлчилгээ авсан тохиолдлын өдөр тутмын мэдээллийг Нийгмийн Эрүүл Мэндийн Үндэсний Төв (НЭМҮТ)-өөс танилцуулдаг.
Тэгвэл өчигдрийн байдлаар (2025.09.24)-нд угаарын хийн хордлогын улмаас 38 хүн эмнэлгийн тусламж үйлчилгээ авснаас хоёр иргэн амь насаа алдсан харамсалтай мэдээлэл байна.
Нийт тохиолдлыг байршлаар нь авч үзвэл:
Сонгинохайрхан дүүрэг, Чингэлтэй дүүрэг, Баянзүрх дүүрэг, Сүхбаатар дүүрэг, Хан-Уул дүүрэгт нийт 15 өрхийн 38 иргэн угаарын хийн хордлогод өртөж, эмнэлгийн тусламж үйлчилгээ авчээ.
Угаарын хийн шалтгаанаар өчигдөр нэг өрхийн хоёр иргэн нас барсныг НЭМҮТ мэдээлэв.
ЗӨВЛӨМЖ:
- Айл өрхүүд яндангаа авч өрхөө бүтээхгүй байх
- Яндангийн сойлтыг хаахгүй байх
- Угаар мэдрэгч төхөөрөмжийг хэвийн ажиллагааг тогтмол шалгаж, ажиллуулах
- Бага насны хүүхдээр галлагаа хийлгэхгүй байхыг НЭМҮТ-ийн Хор судлал, шуурхай удирдлагын албаны дарга Т.Хосцэцэг зөвлөсөн билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
