ФОТО: Уншигч, зохиолч хоёрын уулзах цэг НОМЫН БАЯР...
38 дахь удаагийн “Номын баяр" өнөөдөр эхэллээ.
Энэ жилийн тавдугаар сард болсон хаврын номын баярт ирсэн уншигчдын 80 хувь нь 7-24 насныхан байсан аж. Энэ нь хэвлэн нийтлэгчид залуу уншигчдад чиглэсэн агуулгаар бүтээлүүдээ хийж, түүнийгээ дагаад уншигчдын тоо залуужсан байгааг харуулж байна гэдгийг "Номын ертөнц" ТББ-ын үүсгэн байгуулагч Б.Сувд онцлов. Түүнчлэн залуу хэвлэн нийтлэгчид ч сүүлийн жилүүдэд их болж байгаа аж.
Энэ жил номын баярын зохион байгуулагчдын зүгээс 7-9 настай уншигчдад зориулж Туркийн зохиолч Нехир Айдин Гөкдуманы 2024 оны шилдэг зохиол болох "Нисдэг ном"-ыг онцолж байгаа ба тус ном нь хэрхэн дэлгэцийн хамаарлаас салж, номд дуртай болж байгаа тухай өгүүлдэг байна.
Номын баяр нь зохиолч уншигчидтайгаа уулзах завшаан болдгоос гадна ихэнх номууд хямдралтай зарагдаж, нэг дороос сонголтоо хийх боломжийг олгодгоороо онцлог болдог билээ.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
