Наадамчдын авто замыг Эрчим хүчний гудамжтай холбосон уулзвараас Хөсөг трейд хүртэлх замыг шөнийн цагаар хаана

Баянгол дүүргийн 20 дугаар хороо, Эрчим хүчний гудамжны 5.9 километр авто замын өргөтгөл, их засварын ажлын хүрээнд Наадамчдын авто замыг Эрчим хүчний гудамжтай холбосон авто замын уулзвараас Хөсөг трейдийн баруун урд талын уулзвар хүртэлх 1.3 км авто замыг хааж, өргөтгөнө.

Тус хэсгийн замыг есдүгээр сарын 4-8-ны өдрүүдэд шөнийн цагаар буюу 23:00-06:00 цагийн хооронд хэсэгчлэн хаана. Өдрийн цагаар замын хөдөлгөөн хэвийн үргэлжилнэ.

Иймд иргэд, жолооч нар дээрх өдрүүдэд шөнийн цагаар бусад гудамж замыг сонгож замын хөдөлгөөнд оролцоно уу гэж НЗХГ-аас мэдээллээ.

Нийслэл хотын авто замуудын засвар шинэчлэлт дууссан ч Эрчим хүчний гудамжны замыг өргөтгөж, шинээр барих ажил энэ оны аравдугаар сарын 30-нд дуусна хэмээн мэдээлж байсан юм.