Өнөө орой 22:00 цагаас Саппорогийн уулзварыг хааж, Гурвалжингийн гүүр өөд өгсөх замыг засварлана
Энхтайваны өргөн чөлөөний замын засвар шинэчлэлтийн хүрээнд Саппорогийн уулзварыг наймдугаар сарын 17-ны 22:00 цагаас хааж, наймдугаар сарын 18-ны 06:00 цагийн хооронд шөнийн цагаар асфальтбетон хучилт хийж, хөдөлгөөнийг нээлээ.
Үргэлжлүүлэн өнөө орой буюу наймдугаар сарын 18-ны 22:00 цагаас хааж, Гурвалжингийн гүүр өөд өгсөх хэсгийн замыг засварлана.
Наймдугаар сарын 20-ны 06:00 цагт хөдөлгөөнийг нээнэ. Авто зам хаасан хугацаанд зорчих хэсгийн тэгшилгээний үе, асфальт бетон хучилт, тэмдэглэгээг хийж гүйцэтгэнэ гэж НЗДТГ-ын хэвлэлийн хэлтсээс мэдээллээ.
Өнөөдрийн байдлаар нийслэл хотод Баянзүрх дүүргийн нутаг дэвсгэр Монелийн уулзвараас Цайз захын уулзвар хүртэл авто замд асфальт бетон хучилт, тэмдэглэгээ хийж, хөдөлгөөнийг нээсэн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
