2025 оны долдугаар сарын байдлаар орон сууцны дундаж үнэ өмнөх жилийн мөн үеэсээ 14.4 хувиар өсжээ
Орон сууцны үнийн индекс 2025 оны долдугаар сард 1.31 болж, өмнөх оны мөн үеэс 14.4 хувиар, өмнөх сараас 0.5 хувиар тус тус өссөн байна.
Шинэ орон сууцны дундаж үнэ ам метр тутамд 4.7 сая байгаа бол хуучин орон сууцны үнэ 4.5 сая төгрөг байгаа юм. Энэ нь шинэ орон сууцны үнэ өмнөх оны мөн үеэс 13.4 хувиар, хуучин орон сууцны үнэ өмнөх оны мөн үеэс 15 хувиар нэмэгдсэнийг илтгэв.
Байршлаар нь авч үзвэл Сүхбаатар дүүрэгт хуучин орон сууц хамгийн үнэтэй буюу ам метр тутамд 5.5 сая төгрөг байгаа бол Сонгинохайрхан дүүрэгт 3.2 сая төгрөг байна. Харин шинэ орон сууц байршлаасаа хамааран ам метр нь 3.3-5.3 сая төгрөгийн үнэтэй байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
