Д.Амгалан: Наадмаар Төв цэнгэлдэх хүрээлэнд зөвхөн хоол үйлдвэрлэл, үйлчилгээ эрхлэх зөвшөөрөл олгоно
Үндэсний их баяр наадмыг зохион байгуулах бэлтгэл ажил эхэлжээ.
Энэ тухай НЗДТГ-ын дарга, Үндэсний их баяр наадмын комиссын нарийн бичгийн дарга Д.Амгалан "Үндэсний их баяр наадмыг зохион байгуулах морь, сур, шагай, соёл урлагийн зэрэг есөн салбар хороо ажиллаж байгаа.
Энэ сарын 21-нээс Төв цэнгэлдэх хүрээлэнд бага хэмжээний сэргээх засварыг хийж, иргэд, жуулчдыг хүлээж авахад бэлэн болж байна. Нийслэл өнгөрсөн жил Төв цэнгэлдэх хүрээлэнг өмчдөө авч, гурав орчим тэрбум төгрөгийн засвар хийсэн юм.
Наадмаар Төв цэнгэлдэх хүрээлэнд зөвхөн хоол үйлдвэрлэл, үйлчилгээ явуулах зөвшөөрөл олгож, эмх цэгцтэй байлгана. Өнгөрсөн жилийн наадмаас эхлэн зах, худалдааны төв шиг байлгахаа больсон" гэж мэдээллээ.
Үндэсний их баяр наадмыг зохион байгуулахад нийслэлийн төсвөөс таван тэрбум төгрөгийг зарцуулахаар баталсан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
