Хүй долоо худаг руу нийслэлийн иргэдийн баяраар нийтийн тээврийн автобус үнэгүй үйлчилнэ
Нийслэл Улаанбаатар хотын иргэдийн баяр энэ сарын 28, 29-нд буюу ирэх долоо хоногийн амралтын өдрүүдэд Хүй долоо худагт болно.
Энэ үеэр 07:00-23:00 цагийн хооронд хоёр чиглэлд нийтийн тээврийн 10 автобус иргэдэд үнэ төлбөргүй үйлчлэх юм байна.
Наадмын үеэр хүчит бөхийн барилдаан, хурдан морь уралдуулж, шагайн болон сур харваачид цэц мэргэнээ сорино.
Жижиг, дунд бизнес эрхлэгчдийн үзэсгэлэн, Улаанбаатар хотын түүхэн гэрэл зургийн үзэсгэлэн, монгол хувцасны үзүүлбэр, есөн дүүргийн Ардын авьяастнуудын тоглолт, Улаанбаатар театрын “Монгол туургатан” уран бүтээлээ толилуулж, бурхны шашны бага таван ухааны бүжиглэлийн ухаанд багтах цам харайх үзүүлбэртэй.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
