114 жилийн түүхтэй "FILA" брэнд Монголд салбараа нээлээ

Гэрэл зургийг MPA агентлагийн онцгой зөвшөөрөлтэйгөөр ашиглав

Сонгодог загварыг орчин үетэй хослуулсан дэлхийд алдартай "FILA" брэнд Монголд салбараа нээлээ. 114 жилийн баялаг түүхтэй "FILA" дэлгүүрийн Монгол дахь анхны салбар нь Улаанбаатар Их Дэлгүүрийн гурван давхарт байрлаж байна. 

"Nike", "Converse", "Vans" зэрэг дэлхийд хэдийнээ танил болсон спорт болон өдөр тутмын загварын брэндийг танилцуулсан "БльюМон" групп албан ёсны эрхтэйгээр "FILA"-г Монголд оруулж ирж буй юм.

Италийн Биелла хотод ах дүү Филагийн 1911 онд үүсгэн байгуулсан нэхмэлийн үйлдвэр хожим буюу 1970-аад оноос спорт хувцасны брэндээр дэлхийд танигдсан байна.  

Харин тус брэндийг 2007 онд БНСУ-ын "FILA Korea" компани худалдан авч, төв байр нь Сөүл рүү шилжсэн цагаас хойш загварын ертөнцөд стритвэр (streetwear) болон ретро загвараар дэлхийд тэргүүлж эхэлжээ.

Өдгөө дэлхий даяар 70 гаруй оронд үйл ажиллагаагаа явуулж, спорт ба загварыг төгс хослуулдаг. Гүйлт, фитнес, өдөр тутмын загварт зориулсан бүтээгдэхүүнүүд нь залуусын амьдралын хэв маягийг тодорхойлж байна.

FILA Disruptor 2

"FILA" брэндийн 1996 онд гаргасан Disruptor загварыг 2018 онд дахин шинэчилж FILA Disruptor 2-ыг дэлхий даяар танилцуулсан. Анхны загвар нь "chunky" хэлбэртэй байв. Хоёр дахь загвар нь олны хүртээл болсон цагаасаа хойш тэр дороо дэлхийн трэнд болж, "dad shoes" хэлбэртэй пүүзний давлагааг эхлүүлсэн юм. Зузаан ул, хурц дүр төрх нь 1990-ээд оны загварын хэв шинжийг орчин үеийн "street fashion"-той хослуулсан гэдгээрээ залуусын таашаалд нийцжээ.

FILA брэндийн алдартай нүүр царайнууд

 Спортын домогт тамирчид:

• Björn Borg – Шведийн теннисчин. 1970-аад онд FILA-г дэлхийд таниулахад гол үүрэг гүйцэтгэжээ.
• Grant Hill – NBA-гийн од. 1990-ээд оны сагсан бөмбөгийн эрин үеийн нүүр царай болж байв.
• Kim Clijsters – Бельгийн мэргэжлийн теннисчин, Grand Slam-ийн аварга.
• Reilly Opelka – АНУ-ын залуу теннисчин, FILA-гийн орчин үеийн спорт нүүр царай юм.

Поп соёл ба K-pop одууд:

• BTS – FILA нь BTS-тэй 2019 онд албан ёсны хамтрагч болж, дэлхий даяар “FILA x BTS” цуглуулгыг танилцуулсан юм. Энэ нь залуусын дунд маш хүчтэй нөлөө үзүүлсэн. 
• K-drama жүжигчид ба загвар өмсөгчид – Солонгост төвтэй болсон цагаас хойш FILA олон залуу инфлюэнсерүүдтэй хамтран ажиллаж, стрит стиль болон өндөр загварын чиг хандлагыг удирдаж байна.

 Streetwear & Fashion influencers:

• Хөгжмийн уран бүтээлчид, sneakerhead-үүд болон дизайнерууд FILA-гийн “Heritage” цуглуулга, “Disruptor” гутал зэрэг загварыг дахин трэнд болгосон билээ.
• Hailey Bieber (АНУ) Супермодель, загварын нөлөөлөгч Hailey Bieber нь FILA-тай 2022 оноос хамтран ажиллаж эхэлсэн. Тэрбээр минимал стиль, ретро гудамжны загварыг төлөөлдөг бөгөөд FILA-гийн heritage (уламжлалт загвар)-ийг орчин үеийн хэв маягтай хослуулан дахин тодотгосон. Түүний хамтран гаргасан FILA коллекц нь хоромхон хугацаанд зарагдаж байв.
• Han So Hee (Солонгос) Солонгосын алдарт жүжигчин Han So Hee нь FILA-гийн Ази бүсийн албан ёсны нүүр царайгаар 2023 оноос ажиллаж байна. Түүний хүчтэй, эмэгтэйлэг дүр төрх нь FILA-гийн спорт болон street fashion хэв маягт шинэ өнгө нэмсэн юм. 

ФОТО