"Малайзад Монгол Улсын иргэн Б.О-ийн амь насаа алдсан шалтгаан тодорхой болоогүй байхад ташаа мэдээллүүд гарч байна"
"Ice Top" хамтлагийн гишүүн "Eyescool" буюу Б.Оргил-Эрдэнэ Малайз улсад нас барсан харамсалтай явдал тохиосон.
Сүүлийн өдрүүдэд талийгаачийн амь насаа алдсан шалтгаан нөхцөлийн талаар ялгаатай мэдээллүүд гарч байгааг Гадаад Харилцааны Яам(ГХЯ)-наас залрууллаа.
ГХЯ-ны Хэвлэлийн төлөөлөгч Р.Нямдаваа "Малайз Улсад амиа алдсан Монгол Улсын иргэн Б.О-ийн амь насаа алдсан шалтгаан тодорхой болоогүй, задлан шинжилгээний хариу гараагүй байна.
Гэтэл сүүлийн өдрүүдэд олон нийтийн хэвлэл мэдээллийн хэрэгсэл болон нийгмийн сүлжээнд тус хэрэг, талийгаачийн амь насаа алдсан шалтгааны талаар үндэслэлгүй, худал ташаа мэдээлэл гарах боллоо.
Монгол Улсын иргэн хилийн чанадад амь насаа алдсан харамсалтай хэргийн талаар худал ташаа мэдээлэл түгээх нь нийгэмд үл ойлголцол, ташаа ойлголт төрүүлж, талийгаачийн ар гэр, ойр тойрныхонд хүндээр тусахаас гадна холбогдох хууль тогтоомжийг зөрчиж болзошгүй анхаарна уу" хэмээн цахим хаягаараа мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
