ФОТО: "Бишрэлт Металл" хоёр дараалан хожлоо
Монголын Сагсан Бөмбөгийн Холбооны Үндэсний Дээд лигийн хагас шигшээ цуврал үргэлжилж байна. Энэ шатанд учраа таарсан "Эс Жи Эйпс", "Бишрэлт Металл" багийн тоглолт зургаа дахь тоглолт гарахаар боллоо.
Эхний гурван тоглолтын дараагаар хожигдох эрхгүй болсон "Бишрэлт Металл" дөрөв дэх тоглолтын сүүлийн таван минутад 20 оноо дараалан авснаар өрсөлдөгчөө 81:79-өөр буулган авсан юм.
Тэгвэл өчигдөр болсон тав дахь тоглолтод "Бишрэлт Металл" баг өрсөлдөгчөө 82:80-аар илүүрхэв.
Өмнөх тоглолтоос ялгаатай нь гурван үеийн турш давамгайлж, 11 онооны зөрүүгээр шийдвэрлэх дөрөвдүгээр үеийг эхлүүлсэн ч "Эйпс" амар бууж өгсөнгүй. Цаг дуусахаас 28 секундийн өмнө тооны харьцааг 80:80 болгон тэнцүүлсэн ч америк тоглогч Байрон Уэслигийн зоримог шидэлт оноо болсноор "Металл" цувралын харьцааг ойртуулав.
Уг тоглолтын шилдгээр 34 оноо, 11 самбараас бөмбөг авсан Б.Уэсли тодорсон бол А.Энхбаясгалан 13 оноо, 6 самбар, Т.Ууганбаяр 12 оноо, 10 оновчтой дамжуулалт өглөө.
"Эйпс"-ээс Б.Тулуй 27 оноо авч багаа тэргүүлсэн бол Дэнг Акуот 18 оноо, 14 самбар, Крис Клайбарн 15 оноо авчээ.
Цувралын зургаа дахь тоглолт маргааш буюу энэ сарын 16-ны 19:10 цагт "М Арена"-д болох юм.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
5 СЭТГЭГДЭЛТЭЙ
|
