Н.Учрал: Монголчуудын амьдралыг сүйрүүлж буй 1xbet сурталчилдаг хаягуудыг шат дараатай хааж байна
Цахим мөрийтэй тоглоомын сайтуудыг шалгах ажлын хэсэг байгуулах талаар Засгийн газрын Хэрэг эрхлэх газрын дарга Н.Учрал өмнө нь мэдэгдэж байсан.
Тодруулбал "Монголчуудын амьдралыг сүйрүүлж, эдийн засагт сөрөг нөлөө үзүүлж жил бүр ОХУ руу 500 сая доллар урсгаж буй 1xbet-ийг сурталчилсан, адил төстэй байдлаар цахим мөрийтэй тоглоомын үйл ажиллагаа явуулдаг есөн домайныг ХХЗХ-ноос хаалаа.
Мөн 100 гаруй Facebook хаяг, группүүдийг хаалгах хүсэлтийг META руу илгээлээ.
Цаашид 1xbet сурталчилдаг хаягуудыг шат дараатайгаар хаах арга хэмжээг авна.
Ойрын хугацаанд Зөвшөөрлийн тухай хуульд өөрчлөлт оруулж, цахим мөрийтэй тоглоомыг хориглох арга хэмжээг авахаар ажлын хэсэг ажиллаж байна" гэдгийг ЗГХЭГ-ын дарга Н.Учрал мэдэгдэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
