БНХАУ-ын Элчин Сайдын Яамнаас "Хятадын хаврын баяраар хамтдаа" хүлээн авалтын арга хэмжээг зохион байгууллаа

Гэрэл зургийг MPA агентлагийн онцгой зөвшөөрөлтэйгөөр ашиглав

Ази тивийн улс орнууд Цагаан сарыг өөр өөрийн ёс заншлаар өргөн дэлгэр тэмдэглэдэг уламжлалтай. Бүгд Найрамдах Хятад Ард Улс (БНХАУ)-ын цагаан сар буюу "Хаврын баяр" нэгдүгээр сарын 29-нээс эхэлж байгаа билээ. 

Хятадын хаврын баяр нь 15 хоног үргэлжилдэг. Баярын үеэр орон гэрээ цэвэрлэж, шинэ хувцас авч, гэрээ болон гудамж талбайгаа дэнлүүгээр гоёж, идээ будаагаа бэлтгэн ахмадууддаа хүндэтгэл үзүүлдэг байна.

Мөн гэр бүл, хамаатан саднаараа цугларахаас гадна улаан өнгийн хувцас өмсөж, улаан дугтуйд хийсэн “азын мөнгө”-ийг хүүхдүүдэд өгдөг аж. Хятадын хаврын баярын нэг онцлог нь луу, арслангийн багтай бүжиглэх сүрт жагсаалыг хотын талбай, гу­­дам­жинд хийдэг юм. Зөвхөн Хятадад төдийгүй дэлхийн өнцөг булан бүрт амьдардаг хятадууд Цагаан сараа хамгийн чухал баяр гэж үздэг. Айлчлан ирж буй Могой жил нь авхаалж самбаа, мэргэн ухааныг бэлэгддэг.

Үүнтэй холбогдуулан БНХАУ-аас Монгол улсад суугаа Элчин Сайдын Яамнаас "Хятадын хаврын баяраар хамтдаа" гэх хүлээн авалтын арга хэмжээг өнгөрсөн долоо хоногийн Бямба гараг буюу нэгдүгээр сарын 25-нд зохион зохион байгууллаа.

 

Гэрэл зургийг MPA агентлагийн онцгой зөвшөөрөлтэйгөөр ашиглав

БНХАУ-аас Монгол улсад суугаа Элчин Сайдын Яамнаас Хятадын Харбин хотноо хоёрдугаар сарын 7-14-н хүртэл зохиогдох гэж буй Азийн өвлийн спортын наадмын талаар танилцуулж, Хаврын баярын уламжлалт урлагийн тоглолтуудыг толилууллаа. 

Түүнчлэн БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь Миньжуань, Монгол Улсын Их хурлын дэд дарга, УИХ дахь Монгол-Хятадын парламентын бүлгийн дарга Х.Булгантуяа уг арга хэмжээг нээж үг хэлсэн юм.

"Эрдэнэбүрэнгийн усан цахилгаан станц, Ганцмод - Гашуунсухайтын хил холболтын төмөр зам зэрэг төслүүдэд бодит ахиц дэвшил гарлаа"

 

Гэрэл зургийг MPA агентлагийн онцгой зөвшөөрөлтэйгөөр ашиглав

Элчин сайд Шэнь Миньжуань "Хаврын баяр бол Хятадын хамгийн эртний, хамгийн нижгэр, хамгийн чухал уламжлалт баяр бөгөөд Хятадын ард түмэнд гэр бүлийн эв эе, амар амгалан, аз жаргалыг мөрөөдөж, улс орны энх тайван, хүн байгаль хоорондын зүй зохистой харилцааны итгэл найдварыг бүтээдэг учир дэлхий даяар улам бүр хүлээн зөвшөөрөгдөж, НҮБ-ын тэмдэглэлт өдөр болж, биет бус соёлын өвд бүртгэгдээд байна.

Дэлхийн хүн амын тавны нэг нь өөр өөр заншлаар хаврын баярыг тэмдэглэдэг бөгөөд “Хятадын хаврын баяр” улам бүр “Дэлхийн хаврын баяр” болж, дэлхийн бүх улс орны хүмүүст Хятад Улс, Хятадын уламжлалт соёлыг танин мэдэх чухал цонх болж, соёл иргэншлийн солилцоо, хүн төрөлхтний  хөгжил, дэвшлийг ахиулж буй нь Ши Жиньпин даргын дэвшүүлсэн Даян дэлхийн соёл иргэншлийн санаачилгын ач холбогдол оршиж байна.

Монголын цагаан сарын баяр нь Хятадын хаврын баярын адилаар төрөл садан, найз нөхдийнхөөрөө зочилж, бие биедээ ерөөл дэвшүүлэн, тусгайлан бэлтгэсэн амтат хоолоор дайлж цайлдаг билээ. Сая та бүхэнд сонирхуулсан Танка, арьсан хатгамал, мөн амтлуулахаар бэлтгэсэн банш зэрэг нь хоёр орны соёлын уялдаа холбоог харуулж байгаа юм. Өнөөдөр та бүхэнд сар шинийн баярын мэндийг хамтатган дэвшүүлье.

Өнгөрсөн жил шинэ Хятад Улс байгуулагдсаны 75 жилийн ой, мөн Монгол Улсын Их Хурлын сонгуулийн жил тохиож, хоёр улс шинэ хөгжлийн шатанд гарлаа. Монгол Улсын шинэ УИХ болон хамтарсан Засгийн газрын хүчин чармайлтаар, томоохон төслүүдийг урагшлуулан ахиуллаа. Хятадын Коммунист намын 20 дахь удаа сонгогдсон Төв хорооны Гуравдугаар бүгд хурлаар цаашид өөрчлөлтийг тал бүрээр гүнзгийрүүлж, Хятад маягийн орчин үеийн шинэчлэлийг ахиулах томоохон чухал шийдвэр гаргалаа. Өнгөрсөн онд, хоёр орны эдийн засаг адил 5 хувийн өсөлттэй байлаа.

 

Гэрэл зургийг MPA агентлагийн онцгой зөвшөөрөлтэйгөөр ашиглав

Хятад Улс дэлхийн эдийн засгийн өсөлтийн гол хөдөлгөх хүч байх үүргээ хэвээр хадгалж, өндөр чанартай хөгжил дэвшлийг ахиулан урагшлуулж, шинэ төрлийн үйлдвэрлэлийг хурдасгах хэлбэрийг бүрдүүлж, нүүрстөрөгч багатай ногоон хөгжлийг бүх талаар эрчимжүүлэх болно. Шинэ эрчим хүчний автомашины үйлдвэрлэл анх удаа 10 сая давж, гар утасны үйлдвэрлэл 1.6 тэрбум давж, хиймэл оюун ухаан салбарт шинэ амжилтуудыг тогтоолоо.

Мөн өнгөрсөн жил Хятад, Монгол улсын хооронд дипломат харилцаа тогтоосны 75 жилийн ой тохиолоо. БНХАУ-ын Дэд дарга Хан Жэнь анх удаа Монгол Улсад  айлчлал хийж, Монгол Улсын Ерөнхий сайд Л.Оюун-Эрдэнэ анх удаа Шанхайн экспод оролцож, Хятад, Монгол, Оросын Ерөнхий сайд нарын гурван талт уулзалт анх удаа зохион байгуулагдлаа.

Хятад Улсаас Монгол Улсад оруулсан хөрөнгө оруулалт 50 хувиар нэмэгдэж, 145 сая ам.долларт хүрлээ. Эрдэнэбүрэнгийн усан цахилгаан станц, Ганцмод - Гашуунсухайтын хил холболтын төмөр зам зэрэг төслүүдэд бодит ахиц дэвшил гарлаа. Мөн түүнчлэн, Хятадад зорчих, Хятадад суралцах нь тренд болж, мөн Монгол Улсад зорчсон Хятад иргэдийн тоо 200 мянга хүрч, бараг хоёр дахин нэмэгдлээ. Хятад Улс нь Монгол Улсын "Go Mongolia" санаачилгыг бодитойгоор дэмжиж, иргэдийн харилцан ойлголцлыг ахиуллаа.

Мөн Хятад Улс “Бүс ба зам” хүмүүнлэгийн тусламжийн төслүүдээрээ дамжуулан, зүрхний төрөлхийн эмгэг өвчнөөр оношлогдсон бяцхан хүүхдүүдийг эмчлэн эдгээж, ахмад настнуудад нүдний болор суулган, гэрэл гэгээ бэлэглэсэндээ тун баяртай байна. Өнөөдөр тэрхүү хүмүүсийн төлөөлөл мөн хүрэлцэн ирээд байна. Бүгдээрээ тэдэнд баяр хүргэж, аз жаргал хүсэцгээе.

Эдгээр ололт амжилтууд нь Монгол Улсын нийгмийн бүх давхаргын найз нөхөд, ялангуяа та бүхний тусламж дэмжлэгээр бүтээгдсэн билээ. Та бүхэнд чин сэтгэлийн талархал илэрхийлье.

Хятад, Монголын харилцаанд оргилдоо хүрэх үе гэж байхгүй. Илүү сайн болох үе л гэж байх болно. Монгол Улс энэ жилийг “Залуучуудын жил”,  “Нийслэлийн дэд бүтцийн хөгжлийг дэмжих жил” болгон зарлаж, хиймэл оюун ухаан, хүний ​​нөөц, ногоон шилжилтийг түлхэн ахиулав.

Мөн энэ жил Бээжингийн дэлхийн эмэгтэйчүүдийн бага хурлын 30 жилийн ой тохиож байгаа бөгөөд Хятад улс дэлхийн эмэгтэйчүүдийн дээд хэмжээний уулзалтыг зохион байгуулж, дэлхийн эмэгтэйчүүдийн үйл хэргийн шинэ хөгжил дэвшлийг ахиулна. Эдгээр нь хоёр орны харилцааны хөгжилд шинэ боломжуудыг авчрах болно.

2025 оныг төсөөлөн харахад, хоёр орны хамтын ажиллагааны дүр зураг тодрон гарч ирж байна. Бүгдээрээ энэхүү дүр зургийг тодруулан, хамтдаа бүтээцгээе!

Хятадын хаврын баяраар хамтдаа. Та бүхэнд урт удаан аз жаргал, амжилт бүтээлийг дээдийг хүсэн ерөөе. Хятад, Монгол хоёр орны харилцаа алтан могой лугаа мөнхөд хөгжин, тасралтгүй урагшлахыг хүсэн ерөөе! Та бүхэн сар шинэдээ сайхан шинэлээрэй" гэв.

"Хятадын Хаврын баяраар хамтдаа" хүлээн авалтын арга хэмжээний зургуудаас: