ФОТО: Амьд устай Жарганатын гол -50 хэмийн хүйтэнд ч хөлддөггүй
Хөвсгөл аймгийн Ринченлхүмбэ сумаас холгүйхэн урсах Жарганатын голын өвлийн өнгө ҮЗЭМЖ ТӨГС.
Байгалийн эрс тэс уур амьсгалыг үл ажран урсах Жарганатын голыг нутгийн иргэд АМЬД УС-тай гэлцдэг. Учир юу гэвээс өвлийн -50 хэмд ч мөнхийн урсгалтай.
Энэ тухай сонирхон нутгийн иргэнээс тодруулахад "Газрын гүнээс ундран гардаг учир голын ус тэсгим хүйтэнд ч хөлддөггүй.
Дулаан хэмждэг термометр багажийг агаарт тавихад өвөлдөө -40 градусыг заадаг байхад усны мандал руу ойртуулмагц өнөөх үзүүлэлт -16, -17 хүрдэг.
Ингэж термометрийн үзүүлэлт буурсаар ус руу оруулмагц нэмэх утгыг заана. Усан доторх ургамал ч өвлийн тэсгим хүйтэнд мөнх ногоон байна" хэмээв.
Голын хоёр захаар шинэс, гацуур, улиас, бургас зэрэг модод сагсайн ургажээ. Амьд уснаас уур манан гарахад, ойр хавийн мод бутанд сагсарга тогтох нь байгалийн үзэмжийг улам чимнэ.
Үнэхээр л Улаанбаатараас өөр газарт өвөл ингэж харагддаг байх нь ээ гэж байгалийн сайхныг бахдан биширмээр...
ФОТО:
Гэрэл зургийг MPA.mn
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
11 СЭТГЭГДЭЛТЭЙ
|
