ЧАНАР 47
ЧАНАР 120
ЧАНАР 147
ЧАНАР
ЧАНАР 36
ЧАНАР 117
ЧАНАР 59
ЧАНАР 112
ЧАНАР 104
ЧАНАР 65
ЧАНАР 333
ЧАНАР 145
ЧАНАР 105
ЧАНАР 140
ЧАНАР 96
ЧАНАР 47
ЧАНАР 54
ЧАНАР 149
ЧАНАР 102
Тавантолгой түлш ХХК-д барьцалдуулагч нийлүүлдэг монгол компаниудын нэг нь гурил үйлдвэрлэх чиглэлээр үйл ажиллагаа явуулдаг
Тавантолгой түлшний үйлдвэрийн ажилтан асан манай редакцтай холбогдож монгол үйлдвэрүүд ашиг гаргахын тулд хоёрдугаар гурил ашиглаж чанаргүй барьцалдуулагч үйлдвэрлэдэг. Үүнийгээ Тавантолгой түлшний үйлдвэрт ашигласаар байгаа тухай мэдээлээд байгаа юм.
Иймд Тавантолгой түлш ХХК-ийн энэ оны 1-11 дүгээр сар хүртэлх шилэн дансыг шүүж барьцалдуулагч худалдан авсан Монгол, Хятад компаниудын мэдээлэл болон үнийн дүнг хүргэж байна.
Тавантолгой түлш ХХК нь энэ жил таван Монгол компани, гурван Хятад компаниас барьцалдуулагч худалдан авч байгаа ба энэ оны 1-11 дүгээр сард нийтдээ 58 тэрбум төгрөгөөр барьцалдуулагч худалдан аваад байгаа юм байна.
Тавантолгой түлш ХХК 2024 оны 1-11 дүгээр сард Монгол Үйлдвэрүүдээс ₮27.7 тэрбумын барьцалдуулагч худалдан авчээ...
Тавантолгой түлш ХХК барьцалдуулагч үйлдвэрлэгч дотоодын компаниудад хүн болоод байгаль орчинд сөрөг нөлөө үзүүлэхгүй байх гэсэн үндсэн шаардлагыг тавьдаг...
Өнгөрсөн жилийн мэдээллээр Тавантолгой түлш компани жилд 25 мянга гаруй тонн барьцалдуулагч бүтээгдэхүүн хэрэглэдэг гэсэн тооцоо байдаг бол үүний 50 хувийг БНХАУ-аас импортоор, 50 хувийг дотоодын үйлдвэрлэгч компаниудаас авдаг аж. Энэ онд барьцалдуулагч бүтээгдэхүүнийг дотоодын үйлдвэрлэгчдээс 100 хувь авахаар төлөвлөөд байсан аж.
Ингэхийн тулд үйлдвэрлэгч компаниудад стандартад нийцсэн чанартай бүтээгдэхүүн үйлдвэрлэх, хүн болоод байгаль орчинд сөрөг нөлөө үзүүлэхгүй байх гэсэн үндсэн шаардлагыг тавьж байжээ...
Сүүлийн гурван жил гаруй хугацаанд барьцалдуулагч бүтээгдэхүүнийг үндэсний Гарааны Баргил тех ХХК үйлдвэрлэн шахмал түлшний үйлдвэрлэлд нийлүүлж байсан бөгөөд өнгөрсөн жилийн 11 дүгээр сараас эхлэн Люксдаймонд ХХК, энэ оноос эхлээд бусад монгол үйлдвэрүүдээс барьцалдуулагч авч эхэлсэн байна.
Барьцалдуулагч нийлүүлж буй таван монгол үйлдвэрийн мэдээлэл
Шахмал түлш үйлдвэрлэхэд шаардлагатай барьцалдуулагчийг нийлүүлж буй монгол компаниудын нэг нь гурил үйлдвэрлэх чиглэлээр үйл ажиллагаа явуулдаг аж. Түүнчлэн УИХ-ын гишүүн асан Д.Оюунхорлын хамаарал бүхий компани тус таван компани дундаас хамгийн олон жил, хамгийн их дүнгээр барьцалдуулагч нийлүүлж буй юм.
| Компани | Хэдэн удаа ямар үнийн дүнгээр барьцалдуулагч нийлүүлсэн | Хувьцаа эзэмшил | Удирдах албан тушаалтан | Үйл ажиллагааны чиглэл | Хамаарал бүхий албан тушаалтан |
|---|---|---|---|---|---|
| Барилтрейд ХХК | 4 удаа нийт 4,021,250,000₮ | Ж.Алдар | Ж.Алдар | Гурил үйлдвэрлэх, Төрөлжсөн бус дэлгүүрийн бусад жижиглэн худалдаа, Төлбөр эсвэл гэрээний үндсэн дээр хийгдэх бөөний худалдаа, Диско баар ДД, караоке | |
| Гарааны баргил тех ХХК | 8 удаа нийт 14,227,375,000₮ | Г.Жаргалсайхан, Б.Энхбаяр, Б.Очир | Б.Очир | Гадаад худалдаа, Барилгын материалын худалдаа | УИХ-ын гишүүн асан Д.Оюунхорол |
| Хангайхан өндөр ХХК | 10 удаа нийт 7,030,000,000₮ | Б.Ганхөлөг, Г.Дашцэрэн, Ю.Идэрцогт | Ю.Идэрцогт | Төлбөр эсвэл гэрээний үндсэн дээр хийгдэх бөөний худалдаа | |
| Люксдаймонд ХХК | 6 удаа нийт 2,398,400,000₮ | Ш.Цэвэг-Очир, М.Нарнаа | М.Нарнаа | Гадаад худалдаа, Барилгын засвар, засал чимэглэл | |
| Юникоор линк ХХК | 1 удаа нийт 48,018,782₮ | Ц.Цог | Ц.Цог | Гадаад худалдаа, Цоож засварлах, түлхүүр олшруулах |
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
