Монгол Улсад орчин цагийн музейн салбар үүсэж хөгжсөний 100, Завхан аймгийн музей байгуулагдсаны 100 жилийн ойн хүрээнд музейн сан хөмрөгөөс дэлгэн үзүүлж буй "Завхан нутгийн өв" үзэсгэлэн өнөөдөр Байгалийн түүхийн музейн үзэсгэлэнгийн танхимд нээлтээ хийлээ.
Тус үзэсгэлэнд Завхан аймгийн музейн сан хөмрөгөөс Улаан Жамсран бурхны хорхой Шүрэн баг, Арван нэгэн тэргүүнт Жанрайсэг бурхан, Есөн эрдэнийн өнгө оруулан бүтээсэн Жадамба судар, Монгол Улсын Ерөнхий сайд Жалханз хутагт Ц.Дамдинбазарын Тахилын мөнгөн цөгц, Улиастайн сайд Дилов хутагт Б.Жамсранжавын Ёслолын малгай зэрэг шашны 46 дэсийн 66 ширхэг үзмэр, эд өлгийн зүйлийг дэлгэн толилуулж байгаа юм байна.
Үзэсгэлэн арваннэгдүгээр сарын 4-ны өдөр хүртэл үргэлжлэх аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!