Бавуудоржийн Баасанхүү Монгол Улсын гавьяат тамирчин боллоо
Монгол Улсын Ерөнхийлөгч У.Хүрэлсүх өнөөдөр зарлиг гаргаж, олимп, паралимпт амжилт үзүүлсэн тамирчдыг төрийн дээд цол, одон, медаль гардууллаа.
Жүдо бөхийн эмэгтэйчүүдийн 48 кг-д олимпоос мөнгөн медаль хүртсэн Хөвсгөл аймгийн Мөрөн сумын харьяат, Шүүхийн Шийдвэр Гүйцэтгэх Ерөнхий Газар (ШШГЕГ)-ын "Сүлд" спорт хорооны тамирчин Бавуудоржийн Баасанхүүд гавьяат тамирчин цол хүртээлээ.
Тэрбээр Монголын багийн түүхэнд 12, эмэгтэй тамирчдаас гурав дахь мөнгөн медалийн эзэн болсон юм. Түүнчлэн Дэлхийн Аварга Шалгаруулах Тэмцээн (ДАШТ)-аас алтан медаль хүртсэн Монголын зургаа дахь жүдоч болсон юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
