ШЕЗ-ийн шүүгч бус гишүүн Н.Отгончимэгийг үүрэгт ажлаас нь чөлөөллөө
УИХ-ын ээлжит бус чуулганы өнөөдрийн хуралдаанаар Шүүхийн Ерөнхий Зөвлөл (ШЕЗ)-ийн гишүүн Н.Отгончимэгийг ажлаас чөлөөлөх асуудлыг хэлэлцлээ.
Хууль зүйн байнгын хороо ШЕЗ-ийн шүүгч бус гишүүн Н.Отгончимэгийн ажлаас чөлөөлөгдөх хүсэлтийг дэмжээгүй юм. Ийнхүү чуулганы хуралдаанаар байнгын хорооны дэмжээгүй саналыг дэмжихгүй гэх томьёоллоор санал хураав.
Санал хураалтад нийт 110 гишүүн оролцож, 109 нь Хууль зүйн байнгын хорооны дэмжээгүй саналыг дэмжсэнгүй. Ингэснээр ШЕЗ-ийн гишүүн Н.Отгончимэгийг үүрэгт ажлаас нь чөлөөлөх УИХ-ын тогтоолын төсөл батлагдаж, өнөөдрөөс дагаж мөрдөхөөр боллоо.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
8 СЭТГЭГДЭЛТЭЙ
|
