Хөдөө орон нутагт засвартай байгаа авто замууд

Зам тээврийн хөгжлийн төв ТӨҮГ

Засвартай байгаа авто замуудын талаар Зам тээврийн хөгжлийн төв ТӨҮГ-аас мэдээллээ. 

Одоогийн байдлаар машин явах боломжгүй болж хаагдсан зам байхгүй байгаа аж. Үер усны улмаас гэмтсэн замуудын мэдээллийг ЗТХТ-өөс тогтмол мэдээлж байгаа юм. 

1. А0101-А0102 дугаартай Улаанбаатар-Чойр чиглэлийн авто зам 257-258 км-т далан хөвөөг үечлэн засварлаж авто замын хөдөлгөөнийг нээсэн.

242 км-т үерт урссан далан хөвөөг үечлэн засварлаж байна.

Зам хариуцагч:  “Поларис Рөүд Инженеринг “ ХХК

2. A0502 дугаартай Өндөрхаан-Чойбалсан чиглэлийн хатуу хучилттай авто замын 1-10 км-т авто замын зорчих хэсгийн хоёр талаар Хэрлэн гол үерлэж, их хэмжээний ус зорчих хэсэг дээгүүр давах хэмжээнд хүрсэн байгаа тул анхаарал болгоомжтой зорчихыг ЗТХТ ТӨҮГ-аас анхаарууллаа. 

Тус авто замын 5-6 км хооронд үерийн ус авто замын зорчих хэсэг дээгүүр давж урсахаас сэргийлж хамгаалах элс далан байрлуулж байгаа юм байна.

Зам хариуцагч: “Харгуй ТӨХК”

3. А1001 дугаартай Дархан-Эрдэнэт чиглэл дээр гарсан 55 дахь км, 60-62км-т авто замын хөвөө, шуудууны угаагдсан хэсэгт механизмаар шороон дүүргэлт хийж, засварлаж байна.

Зам хариуцагч: “Дархан АЗЗА” ТӨХК

4. А0301 Улаанбаатар-Арвайхээр чиглэлийн авто замын хөвөөний ухагдсан хэсгүүдэд хайрга нэмж, замын хөвөө шуудууг сэргээн засварлаж байна.

Зам хариуцагч: “Эрдэнэсант АЗЗА" ТӨХК

5. A0501 дугаартай Улаанбаатар-Өндөрхаан чиглэлийн хатуу хучилттай авто замын хөвөөг засварлаж байна.

Зам хариуцагч:  “Харгуй ТӨХК"

А0602 дугаартай Хархорин - Цэцэрлэг чиглэлийн улсын чанартай авто замын 104-106 км-т үерийн улмаас угаагдаж урссан хөвөө засварлах ажил хийгдэж байна.

Зам хариуцагч: ”АРХАНГАЙ - АЗЗА" ТӨХК