ФОТО: Хүсэлт гаргасан иргэдийн саналыг зөөврийн битүүмжилсэн саналын хайрцагт авч байна

Гэрэл зургийг MPA агентлагийн онцгой зөвшөөрөлтэйгөөр ашиглав

Улсын Их Хурал(УИХ)-ын 2024 оны сонгуульд 16,352 иргэн зөөврийн битүүмжилсэн хайрцагт саналаа өгөх хүсэлт гаргажээ. 

Иймд хэсгийн хорооны гишүүд өнөөдөр 09:00-20:00 цагийн хооронд зөөврийн битүүмжилсэн саналын хайрцгаар сонгогчдын саналыг очиж авч байна. 

Эдгээр иргэнээс өнөөдөр авсан саналыг маргааш буюу санал авах ажиллагаа эхлэхэд битүүмжлэлийг нь нээж, санал тоолох төхөөрөмжид уншуулна.

Зөөврийн битүүмжилсэн саналын хайрцгаар

• Эрүүл мэндийн байдлын улмаас санал авах байранд өөрийн биеэр очиж чадахгүй сонгогч
• Нийтийн дайчилгаанд хамрагдан ажиллаж байгаа сонгогч
• Албадан эмчлүүлж байгаа болон зөрчлийн хэрэгт холбогдуулан баривчлагдсан сонгогч
• Баривчлагдсан, цагдан хоригдсон зэрэг шалтгаантай иргэд саналаа өгөх боломжтой байдаг.

ФОТО: