Есөн дүүрэгт нөөцийн махны өргөтгөсөн худалдаа гарч буй 51 байршил
Энэ долоо хоногт нийслэлийн есөн дүүргийн 51 байршилд нөөцийн махны өргөтгөсөн худалдааг зохион байгуулж байгааг УБЗАА-наас мэдээллээ. Өргөтгөсөн худалдаа 10:30-17:00 цагийн хооронд гарна.
Өргөтгөсөн худалдаагаар хонь, ямааны махыг гулуузаар нь зарах бөгөөд хонины мах килограмм нь 8,900 төгрөг, ямааны мах килограмм нь 6,700 төгрөг.
Нөөцийн махыг гуравдугаар дугаар сарын 11-ний өдрөөс нийслэлийн есөн дүүргийн 375 хүнсний дэлгүүрээр зарж эхэлсэн бол нэмэлтээр долоо хоног бүр өргөтгөсөн худалдааг зохион байгуулж байгаа билээ.
Нийслэлчүүдийн хэрэглээнд зориулж энэ онд 6,337.5 тонн мах нөөцөлжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
1 СЭТГЭГДЭЛТЭЙ
|
