ТАНИЛЦ: УИХ-ын дарга, Ерөнхий сайд тэргүүтэй 415 ТЭРБУМТАН
Авлигатай тэмцэх газраас УИХ-ын сонгуульд нэр дэвшигчдийн хөрөнгө орлогын мэдүүлгийг нийтэд танилцууллаа. Энэхүү нээлттэй мэдээллээс тэрбумтан буюу нэг тэрбум төгрөгөөс дээш хөрөнгөтэй нэр дэвшигчдийг танилцуулж байна. Ингэхдээ нийт хөрөнгийн хэмжээг харуулахдаа зээлийн хэмжээг оруулан тооцсон болохыг анхаарна уу.
ХОМ-ээс харахад нийт нэр дэвшиж буй 1,336 хүний 30 хувь нь буюу 415 нь тэрбумаар тоологдох хөрөнгөтэй.
Үүнээс гадна 100-999 сая төгрөгийн хөрөнгөтэй 651 нэр дэвшигч байгаа бол 100 саяас бага хөрөнгөтэй 269 нэр дэвшигч сонгуульд өрсөлдөж байна.
415 тэрбумтан дотор УИХ-ын дарга Г.Занданшатар, МАН-ын бүлгийн дарга Д.Тогтохсүрэн, АН-ын бүлгийн дарга О.Цогтгэрэл тэргүүтэй нийт 44 парламентын гишүүн тэрбумын хөрөнгөтэйгөө мэдүүлсэн байна.
Үүн дотор Монгол Улсын Ерөнхий сайд Л.Оюун-Эрдэнэ тэргүүтэй Ч.Номин, Б.Чойжилсүрэн, С.Амарсайхан, С.Бямбацогт, Ж.Ганбаатар, Л.Энх-Амгалан, Б.Дэлгэрсайхан, Б.Жавхлан, Ц.Даваасүрэн, Н.Учрал, Ч.Хүрэлбаатар, Б.Батцэцэг, Г.Сайханбаяр нарын 14 сайд тэрбумтан болохоо мэдэгджээ.
МАН, АН-ын тэрбумтан нэр дэвшигчдийн ХОМ-т мэдүүлсэн нийт хөрөнгө 900 орчим тэрбум төгрөгөөр үнэлэгдэнэ
Эрх баригч намаас нэр дэвшиж буй 95 тэрбумтны хөрөнгө орлогын мэдүүлэгт дурдсан нийт хөрөнгө 500 орчим тэрбум төгрөг болж байгаа бол АН-ын 94 нэр дэвшигчийнх 400 орчим тэрбум төгрөгөөр тоологдож байна.
График #1: Намуудын тэрбумтан нэр дэвшигчдийн тоо
МАН-аас нэр дэвшигчдийн 75.4 хувь нь тэрбумтан
Хамгийн олон тэрбумтан нэр дэвшигчтэй намаар МАН нэрлэгдэж байна. МАН-аас нэр дэвшиж буй 126 хүний 95 нь тэрбумтнуудын эгнээнд бичигджээ. Энэ нь нийт дэр дэвшигчдийнх нь 75.4 хувийг эзэлж байна.
Эрх баригч намын араас АН 94 тэрбумтан нэр дэвшигчтэйгээр эрэмбэлэгдэж байна. Тэд нийт нэр дэвшигчдийнхээ 74.6 хувийг эзэлж байгаа аж.
Харин 71 хүн нэр дэвшүүлсэн Ард Түмний Олонхын Засаглал Намын хоёр тэрбумтан нийт нэр дэвшигчдийнхээ 2.82 хувийг эзэлж байна.
Хүснэгт #1: Тэрбумтан нэр дэвшигчдийн эзлэх хувь нам тус бүрээр
| Нам | Тэрбумтан | Нийт нэр дэвшигчид | Хувь |
|---|---|---|---|
| Монгол Ардын Нам | 95 | 126 | 75.40% |
| Ардчилсан Нам | 94 | 126 | 74.60% |
| Үндэсний эвсэл | 32 | 66 | 48.48% |
| ХҮН нам | 50 | 122 | 40.98% |
| Иргэний Хөдөлгөөний Нам | 45 | 124 | 36.29% |
| Монголын Социол Демократ Нам | 2 | 6 | 33.33% |
| Шинэ нэгдсэн эвсэл /МУНН-ШН/ | 28 | 90 | 31.11% |
| Бие даан нэр дэвшигч | 10 | 42 | 23.81% |
| Монголын Хүний Төлөө Нам | 6 | 42 | 14.29% |
| Иргэний Зориг Ногоон Нам | 10 | 71 | 14.08% |
| Үнэн ба Зөв Нам | 11 | 80 | 13.75% |
| Бүгд Найрамдах Нам | 7 | 54 | 12.96% |
| Иргэдийн Оролцооны Нэгдэл Нам | 7 | 57 | 12.28% |
| Ард Түмний Хүч Нам | 6 | 60 | 10.00% |
| Сайн Ардчилсан Иргэдийн Нэгдсэн Нам | 4 | 55 | 7.27% |
| Эрх Чөлөөг Хэрэгжүүлэгч Нам | 2 | 30 | 6.67% |
| Эх Орон Нам | 2 | 43 | 4.65% |
| Эрх чөлөөний эвсэл нам | 2 | 47 | 4.26% |
| Ард Түмний Олонхийн Засаглал Нам | 2 | 71 | 2.82% |
Сонгуульд нэр дэвшиж буй 415 тэрбумтныг хамгийн их хөрөнгөтэйгөөс нь эхлэн намын харьяаллаар нь нэг бүрчлэн танилцуулж байна.
Хайх хэсэгт нэр дэвшигчийн нэрийг оруулан хайлт хийнэ үү.
График #2: Тэрбумтан нэр дэвшигчид
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
