ФОТО: "Улаанбаатар марафон 2024"-т гүйгчид барианд орох агшин

Гэрэл зургийг MPA агентлагийн онцгой зөвшөөрөлтэйгөөр ашиглав

Монгол Улсад гүйлтийн спортыг хөгжүүлэх, гүйлтээр хичээллэгч, сонирхогч иргэдийн тоог нэмэгдүүлэх, өсвөр, залуу үеийнхэнд бие бялдар, оюун санааны өв тэгш хүмүүжлийг төлөвшүүлэх зорилготой Улаанбаатар марафон ес дэх жилдээ амжилттай зохион байгуулагдлаа.

Өнөөдрийн гүйлтийн онцлох нэгэн дүр нь 21 километр зайг костюм, ботинктойгоо гүйж туулсан залуу байв. Мөн гадаад улсын нэгэн иргэн хөл нь өвдсөн ч тэвчээр заан пүүзээ тайлж барин алхсаар бариандаа орлоо.

Энэ мэтчилэн олон хүн зорьсондоо хүрч, бариандаа амжилттай орцгоов. Тэдний ихэнх нь ирэх жил бэлтгэлээ сайн хангаад улам хол зайд уралдах зорилго тавьцгаасан талаараа ярьж байлаа. 

Нийслэлийн Биеийн тамир, спортын газрын дарга Ж.Ганболд "Есөн жилийн өмнө бид марафоны тухай иргэд олон нийтэд сурталчилж, биеийн тамир, спортоор хичээллэхийг уриалж байсан бол энэ жилийн тухайд Улаанбаатар марафонд оролцохоор орон нутгаас зорьж иргэд хүрэлцэн иржээ. Үүнээс гадна 41 орны тамирчид оролцлоо. Энэ бол Улаанбаатар марафон ямар өргөн хүрээнд зохион байгуулагддаг болсныг харуулж байна" гэлээ.  

“Хай пэй” ХХК-ийн хэвлэлийн төлөөлөгч Ц.Санчирмаа "Манай компани гурав дахь жилдээ НЗДТГ-тай хамтран Улаанбаатар марафоныг зохион байгуулж байна.

Өнгөрсөн жилүүдэд дунджаар 12-13 мянган иргэд бүртгүүлж марафонд оролцдог байсан бол энэ жил 22 мянга гаруй тамирчид бүртгүүлж марафонд оролцлоо. Бид энэ удаагийн Улаанбаатар марафоныг зохион байгуулахдаа зөвхөн гүйлтийн тамирчдад зориулах биш хотын төвийг зорьж ирэх бусад иргэдэд зориулж цагийг зугаатай өнгөрүүлэх орчныг бүрдүүлэхэд анхаарч ажилласан.

Улаанбаатар марафоны үеэр төв талбайд хоолны өдөрлөг зохиогдсоноос гадна 50 гаруй спорт клубүүд оролцож үзүүлбэр үйлчилгээ үзүүлж хөгжмийн наадмыг зохион байгууллаа" хэмээв.

ФОТО: