"Тавантолгой" ХК-ийн Төлөөлөн Удирдах Зөвлөл хэрхэн сонгогддог вэ?
"Нүүрсний хулгай"-н нотлох баримтыг шинжлэн судлах сонсгол Төрийн ордонд өнөөдөр эхэллээ.
Энэ сарын 8-ныг дуустал үргэлжлэх уг сонсголын эхний өдөр орон нутгийн өмчит "Тавантолгой" ХК-ийн талаар Улсын Их Хурал(УИХ)-ын гишүүд асуулт асууж, гэрчүүд хариулж байна.
УИХ-ын гишүүн С.Ганбаатар: Энэ байгууллагын үйл ажиллагаа компанийн хуулиар явж байгаа байх. Компанийн хуульд их хувьцаа эзэмшигч, бага хувьцаа эзэмшигч хоёр нь хоорондоо ярилцаж, удирдлагын багаа сөөлжилдөг. Төлөөлөн Удирдах Зөвлөл(ТУЗ)-ийн дарга, Гүйцэтгэх захирал хоёрыг хоёуланг нь нэг тал нь мэдчихсэн үү, сөөлжилсөн үү. Яаж томилцгоосон бэ?
"Тавантолгой" ХК-ийн ТУЗ-ийн гишүүн Л.Батчулуун: Би төрийн албан хаагч бөгөөд өнгөрсөн хавар 51 хувийг төлөөлж ТУЗ-д сонгогдсон. ТУЗ-ийг сонгохдоо тухайн үеийн улс төрийн нам, бүлгүүд зөвшилцдөг. Олонх болсон нам, эвслээс сонгогддог.
Сонсгол даргалагч, УИХ-ын гишүүн Б.Энхбаяр: Та хамгийн сүүлд олонхын талд, Өмнөговь аймгийн иргэдийн хурлын төлөөллөөс сонгогдсон гэлээ. Өмнө нь та аль компанид ямар алба хашиж байсан бэ, тэр үедээ аль талаас сонгогдож байсан бэ?
"Тавантолгой" ХК-ийн ТУЗ-ийн гишүүн Л.Батчулуун: Өмнө нь сонгогдохдоо чөлөөт иргэн байсан. ИТХ-д сонгогдоогүй, хувийн хэвшлээс сонгогдсон. 2004-2008 оны хавьцаа сонгогдсон.
Сонсгол даргалагч, УИХ-ын гишүүн Б.Энхбаяр: 2004-2008 онд иргэн байхдаа аль талаас сонгогдсон бэ?
"Тавантолгой" ХК-ийн ТУЗ-ийн гишүүн Л.Батчулуун: Хувийн хэвшлээс.
Сонсгол даргалагч, УИХ-ын гишүүн Б.Энхбаяр: Та "Ажнай" корпорацыг төлөөлж сонгогдож байсан уу?
"Тавантолгой" ХК-ийн ТУЗ-ийн гишүүн Л.Батчулуун: Тийм, гэхдээ дөрвөн жил ажиллаагүй. Оныг нь сайн санахгүй байна. Жил орчим ажилласан.
Сонсгол даргалагч, УИХ-ын гишүүн Б.Энхбаяр: Дараа нь хэзээ сонгогдсон бэ?
"Тавантолгой" ХК-ийн ТУЗ-ийн гишүүн Л.Батчулуун: 2011-2012 оны үе байх.
Сонсгол даргалагч, УИХ-ын гишүүн Б.Энхбаяр: 2011-2012 онд та юу хашиж байсан бэ?
"Тавантолгой" ХК-ийн ТУЗ-ийн гишүүн Л.Батчулуун: Иргэдийн хурлын дарга, төлөөлөгч байсан.
Сонсгол даргалагч, УИХ-ын гишүүн Б.Энхбаяр: 51 хувийн талаасаа хоёр дахь удаагаа сонгогдож байсан юм байна. Гурав дахь удаагаа яасан бэ?
"Тавантолгой" ХК-ийн ТУЗ-ийн гишүүн Л.Батчулуун: Төрөөс, 51 хувь талаасаа сонгогдож байна.
Сонсгол шууд үзэх:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
