ФОТО: Улаанбаатар хотын агаар "МАШ ИХ БОХИРДОЛ"-той байна

Гэрэл зургийг MPA агентлагийн онцгой зөвшөөрөлтэйгөөр ашиглав

Улаанбаатарын агаарын бохирдол өнөөдөр өглөө (2023.12.01)-нд 10:00 цагийн байдлаар хүлцэх хэмжээнээс хэтэрч, хэд хэдэн байршилд "маш их бохирдолтой" гарлаа. 

Тодруулбал

• Баянхошуу
• Хайлааст
• Таван буудал
• Нэгдүгээр хороолол
• МҮОНРТ-ийн орчимд агаарын чанарын индекс 426-500-г давлаа.  

Агаарын чанарын индекс 500-ыг давах нь маш их бохирдолтой буюу хамгийн муу үзүүлэлтэд тооцогддог.

Баруун дөрвөн зам, Толгойт, Шархад, Яармаг орчимд 10:15 цагийн хэмжилтээр агаарын чанарын индекс 200-г давж, бохирдолтой гарав. Энэ нь “эрүүл мэндэд хортой” гэсэн ангилалд орох үзүүлэлт юм.

Түүнчлэн Баянзүрх, Сонгинохайрхан, Сүхбаатар дүүргийн агаарын чанар "бохирдолтой" хэмээх үзүүлэлтэд багтсаныг www.agaar.mn вэб сайтаас харж болно. 

Арванхоёрдугаар сарын 1-ний 10:15 цагийн байдлаар

 

Эх сурвалж: www.agaar.mn

Дэлхийн хотуудын агаарын чанарыг бодит цагийн горимд хэмжиж харуулдаг Швейцарын IQAir группийн вебсайтад арваннэгдүгээр сарын 14-ний байдлаар Монгол улсын нийслэл Улаанбаатар хот хамгийн муу агаартай хотуудын зургаадугаарт жагсаж байсныг өмнө нь мэдээлсэн билээ. 

ФОТО: /2023.12.01/