ГРАФИК: Аль салбарт Ази тивийн компаниуд хүчтэй байдаг вэ?
Даяаршлын сүүлийн 30 жил Ази тивийн улсуудад гайхалтай өгөөжтэй байлаа. Худалдааны харилцаагаа гүнзгийрүүлж, бусад зах зээлд нэвтрэх боломжийг бий болгосны үр дүнд Ази компаниудын үйлдвэрлэл нэмэгдэж, нэр хүнд нь өссөөр. Тэгвэл тэд аль салбарт илүүтэй тэргүүлж байна вэ?
McKinsey Global Institute-ийн өгөгдлийг ашиглан дэлхийн шилдэг 3000 компаниуд дундах Ази тивийн компаниудын эзлэх хувийг салбар, орлого, патентын хувь хэмжээгээр нь дүрсэллээ.
2020 онд 5 тэрбум доллароос дээш зах зээлийн үнэлгээтэй эхний 3000 компанийг сонгон авч судалгаандаа ашигласан байна.
Мэдээж хэрэг үйлдвэрлэлийн салбарт Азийн компаниуд илүү давамгай байдалтай байна. Графикаас харахад энэ бүс нутгийн гол хүч нь
- ахуйн цахилгаан хэрэгсэл,
- үйлдвэрлэлийн электроник,
- цахилгаан автомашин,
- хагас дамжуулагч
зэрэг салбаруудад байгаа нь харагдлаа.
Азийн олон орны хувьд эдийн засгийн гол тулгуур нь үйлдвэрлэлийн салбар юм. Хятад улсын хувьд үйлдвэрлэлийн салбар нь дотоодын нийт бүтээгдэхүүний бараг гуравны нэгийг бүрдүүлдэг бол Вьетнамд дөрөвний нэгийг бүрдүүлдэг гэсэн тоо баримт байна.
Ази компаниуд дунд хурдацтай хөгжиж буй өөр нэг салбар бол интернэт үйлчилгээний салбар юм. Ази тивд дэлхийн интернэт хэрэглэгчдийн тал хувь нь оршин суудаг бөгөөд энэ нь бүс нутгийн онлайн үйлчилгээний салбарт инновацыг бий болгож байна гэж үздэг.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
4 СЭТГЭГДЭЛТЭЙ
|
