Монгол Улсын Ерөнхийлөгч У.Хүрэлсүхийн БНФУ-д хийж байгаа төрийн айлчлалын үеэр Парис хотын Засаг дарга, хатагтай Анн Идалго бараалхсан юм.

Парис хотын тухай товч өгүүлэхэд хотын Засаг даргын тамгын газар нь төвийн дөрөвдүгээр дүүрэгт Сена мөрний эрэгт байрладаг байна. Уг байршилд Хотын захиргааны анхны барилга 1357 онд баригджээ.

Долоон сая хүн амтай тус хотын нийт иргэдийн 64.3% нь нийтийн тээвэр хэрэглэдэг гэсэн үзүүлэлт гарчээ.

Парис хот метроны 16, автобусны 347, трамвайн 12, дагуул хот хоорондын галт тэрэгний таван шугамтай байна. Олон улсын галт тэрэгний 7, нисэх онгоцны гурван буудалтай, Сена мөрөн дээрх усан тээвэр, 2,000 гаруй километр урт авто зам, унадаг дугуйн 440 км замтай аж.

 

Тус хотод 390,480 орчим ААН үйл ажиллагаагаа явуулдгаас 80.6% нь худалдаа, тээвэр, 6.5% нь барилга, зөвхөн 3.8% нь үйлдвэрлэл эрхэлдэг байна. 

2022 онд тус хотод 44 сая жуулчин ирж, Луврын музей, Эффлийн цамхаг, Орсэйн музей, Помпидугийн төвөөр зочилжээ.

Сонирхуулахад Хотын захиргааны байр руу нэвтрүүлэхдээ цүнх зэрэг эд зүйлийг нохойгоор үнэрлүүлж, аюулгүй байдлыг ханган нэвтрүүлдэг байна.

ФОТО