ФОТО: Завхан аймаг байгуулагдсаны 100 жилийн ойн баяр НААДМЫН НЭЭЛТ

Гэрэл зургийг MPA агентлагийн онцгой зөвшөөрөлтэйгөөр ашиглав

Завхан аймаг байгуулагдсаны 100 жилийн ойн баяр наадмын нээлт үйл ажиллагаа болж байна. 

Тус аймаг нь 1923 онд байгуулагдсан бөгөөд манай улсын ууган дөрвөн аймгийн нэг юм. Нийт 82,5 мянган км.кв талбайд 73 мянга гаруй хүн амьдардаг. Улаанбаатар хотоос 1,023 км зайд оршдог байна. 

1923 оны сүүлчээр засаг захиргааны нэгжийг нэрлэхэд Бишрэлт, Засагт хан аймаг, Хантайшир уулын аймаг нэртэй болж 20 хошуу, дөрвөн шавь нь уул усны нэрээр нэрлэгдэх болсон байна. 

1931 оны засаг захиргааны өөрчлөлтөөр одоогийн Завхан аймаг нь 21 сум, 209 багтай, 12,726 өрх, 52,300 хүн ам, 845,415 толгой малтайгаар зохион байгуулагдсан байна.

Завхан аймаг нь 189 гол горхи, 91 нуур, Отгонтэнгэр, Улаанхаалга, Баянзүрх, Зарт, Хожуул зэрэг рашаан амралт, халуун хүйтэн рашаан бүхий 40 гаруй байгалийн үзэсгэлэнт газартай аж.

Монгол улсын Ерөнхий сайд асан Жалханз хутагт С.Дамдинбазар, Дилов хутагт Б.Жамсранжав, Армийн генерал Б.Дорж,  Монгол улсын Ерөнхийлөгч П.Очирбат, Н.Багабанди, дорнын их яруу найрагч Б.Явуухулан, төрийн соёрхолт зохиолч Л.Ванган нар Завхан аймгаас төржээ.

Тус аймгийг 1973 онд Хөдөлмөрийн гавьяаны улаан туг, 2017 онд Сүхбаатарын одонгоор шагнасан байна. 

ФОТО: