НЭРС: ИНЕГ-ын зардлаар 2005-2020 онд гадаадад тэтгэлгээр суралцсан ч гэрээний хэрэгжилт хангаагүй хүмүүс
"ИНЕГ-ын зардлаар 2005-2022 онд гадаадад 367 хүн суралцсан. 11 хүн гэрээний үүргээ биелүүлээгүй" талаар өнөөдөр Зам, тээврийн хөгжлийн сайд С.Бямбацогт өнөөдөр мэдээлэл хийсэн.
Тус тэтгэлгээр гадаадад суралцсан 367 хүнд тухайн үеийн ханшаар 11 сая 376 мянган ам.долларыг зарцуулжээ. Сургалтын гэрээ цуцлагдсан 11 хүний сургалтын төлбөрийг буцаан төлүүлнэ гэдгийг салбарын сайд мэдэгдэж байв.
Түүнчлэн "Эдгээр хүн дотор ашиг сонирхлын зөрчил бий болгож, хууль журам зөрчсөн хүн байвал хариуцлага тооцно. Хууль хяналтын байгууллагууд шийдэх байх. Өнөөдөр ажиллаж буй хүмүүст хариуцлагын асуудал ярина. Сайдын хувьд ажлаас нь чөлөөлөх хүртэл арга хэмжээг авна" гэдгийг хэлсэн юм.
Эдгээр 11 хүнд нийт 746,085 ам.долларын зээл олгосон байна. Үүнээс хамгийн их нь 148 мянган ам.доллар бол хамгийн бага нь долоон мянган ам.долларын тэтгэлэг олгожээ. Нэг хүний барьцаа хөрөнгийг чөлөөлөөгүй гэдгийг дурдсан байгаа бол есөн хүний барьцаа хөрөнгийг чөлөөлсөн эсэх нь тодорхойгүй байна. Нэг хүний барьцаа хөрөнгийг өнгөрсөн оны сүүлээр буюу арванхоёрдугаар сарын 20-ны албан тоотоор чөлөөлжээ
Тэтгэлгээр суралцсан ч одоогоор ажиллахгүй байгаа 63 төгсөгч байгаа аж. Ажлын байр хүрэлцээгүй байгаа учраас тэд ажиллахгүй байгаа юм гэдгийг онцолж байлаа.
ИНЕГ-ын зардлаар 2005-2020 онуудад гадаад улсад суралцсан хүмүүс
Иргэний нисэхийн зардлаар гадаадад сургуульд сурсан суралцагчдын тоон мэдээлэл
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
