"УИХ-ын нэр бүхий гурван гишүүний бүрэн эрхийг түдгэлзүүлэх асуудлыг энэ долоо хоногт багтааж шийдвэрлэнэ"
УИХ-ын гишүүн Д.Бат-Эрдэнэ, Т.Аюурсайхан, Н.Наранбаатар нарын бүрэн эрхийг түдгэлзүүлэх саналыг АТГ-аас прокурорт хүргүүлсэн талаар өмнө нь мэдээлсэн.
Тэгвэл Ерөнхий прокуророос дээрх гурван гишүүний бүрэн эрхийг түдгэлзүүлж, шалгах шаардлагатай талаарх саналаа УИХ-ын даргад хүргүүлжээ.
Энэ талаар УИХ дахь МАН-ын бүлгийн дарга Д.Тогтохсүрэн "Хуулийн хугацаандаа буюу энэ долоо хоногт багтааж бид гурван гишүүний бүрэн эрхийг түдгэлзүүлэх асуудлыг шийдвэрлэх ёстой.
УИХ-д ерөнхий прокурорын санал ирснээс хойш тав хоногийн хугацаанд багтаан шийдвэрлэх учиртай. Тэгэхээр энэ долоо хоногт багтаана. МАН-ын бүлгийн өнөөдрийн хурлаар энэ асуудлыг хэлэлцээгүй. Гуравдугаар сарын 29, 30-нд шийдвэрээ гаргана.
Гишүүний бүрэн эрхийг түдгэлзүүлэх нь дэгтэй. Эхлээд Халдашгүй байдлын дэд хороо хуралдана. Хэрэг бүртгэлт, мөрдөн байцаалтын үйл ажиллагаа, хэрэгтэй танилцах бүрэн эрх тухайн байнгын хорооны гишүүдэд хуулиар олгогдсон байдаг. Тиймээс тус байнгын хороо хуралдаж шийдвэрээ гаргасны дараа, бүлэг хуралдана" хэмээв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
5 СЭТГЭГДЭЛТЭЙ
|
