НЭРС: Гадаадын их, дээд сургуулийн бакалаврын хөтөлбөрт БЗС-гийн зээлээр суралцагчид

Гадаадын их, дээд сургуулиудад зээлээр суралцаж буй оюутнуудын барьцаа хөрөнгийн мэдээлэл /Гэрэл зургийг mpa.mn/

Боловсролын Зээлийн Сан(БЗС)-гаас гадаадын шилдэг их, дээд сургуульд суралцагчдад зээл, тэтгэлэг олгодог.

Тус сангаас

• 2020 онд 2.5 сая ам.доллар
• 2021 онд 3.8 сая ам.доллар
• 2022 онд 1.1 сая ам.долларыг дээрх зориулалтаар олгожээ.

Гэхдээ гадаадын их, дээд сургуульд БЗС-гийн зээл, тэтгэлгээр суралцагчдын мэдээлэл хаалттай байсан нь иргэдийн дунд "Дарга нарын хүүхдүүд л явдаг байх" гэх хардлагыг төрүүлдэг байсан нь нууц биш.

Харин өнөөдөр уг сангийн зээлээр гадаадын шилдэг 100 их, дээд сургуулийн бакалаврын хөтөлбөрт суралцсан 421 хүний мэдээллийг өнөөдөр олон нийтэд ил тод болголоо. Нийтийн мэдээллийн ил тод байдлын тухай хуулийн дагуу олон нийтэд мэдээлэгдэж буй жагсаалтыг суралцагчийн овог, нэрээр хайх боломжтойгоор танилцуулж байна. 

График, БЗС-гийн санхүүжилтээр гадаадын шилдэг 100 их, дээд сургуулийн бакалаврын хөтөлбөрт суралцагчид, 2013 оноос хойш