ХУУЧИРСАН МЭДЭЭ: 2023/01/24-НД НИЙТЛЭГДСЭН
УЕПГ: Ч.Маралмаад холбогдох шүүх хуралд өөр прокурор томилолтоор оролцсон
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Иргэн Ч.Маралмаад холбогдох эрүүгийн хэргийн анхан шатны шүүх хурал хоёрдугаар сарын 10-ны өдрийн 10:00 цаг хүртэл хойшилсон.
"Шүүгдэгч өмгөөлөгчөөсөө татгалзсан учраас шүүх хурал хойшилсон. Шүүх хуралд хохирогчийн хоёр өмгөөлөгч, улсын яллагч нар оролцсон. Мөн прокурор солигдсон байна. Үүний шалтгааныг тодорхой мэдэхгүй. Мөн шүүгдэгч өөрөө ирсэн" хэмээн хохирогчийн өмгөөлөгч О.Цэрэнпунцаг хэлсэн.
Тэгвэл прокурор солигдсон шалтгааны талаар "Иргэн Ч.Маралмаад холбогдох хэрэгт яллах дүгнэлт үйлдсэн прокурор нь ээлжийн амралттай байгаа тул өнөөдрийн шүүх хуралд өөр прокурор томилолтоор оролцсон байна" хэмээн Улсын Ерөнхий Прокурорын Газраас тайлбар өгөв.
