5-11 насны хүүхдүүдэд ирэх сараас коронавирусийн эсрэг вакцин хийж эхэлнэ
Коронавирусийн эсрэг вакциныг 5-11 настай хүүхдүүдэд хийх Эрүүл мэндийн сайдын тушаал гарчээ.
Энэ талаар Эрүүл мэндийн яамны албан эх сурвалжаас тодруулахад "Коронавирусийн эсрэг вакциныг 5-11 насны хүүхдүүдэд хийх Эрүүл мэндийн сайдын тушаал албажсан. Вакцинжуулалтыг наймдугаар сард эхлүүлэхээр заавар журам, бэлтгэл ажил нь хангагдсан байна.
Дээрх насны хүүхдүүдэд сарын зайтай хоёр тун вакцин хийх юм" гэсэн мэдээлэл өглөө.
Эргэн сануулахад, АНУ-ын "Pfizer" компаниас бага насны хүүхдэд зориулсан тусгай савлагаатай вакциныг оруулж ирсэн. Одоогоор 300,000 вакцин ирснийг ХӨСҮТ-ийн вакцин биобэлдмэлийн агуулахын гүн хөлдөөгчид хадгалж байгаа гэдгийг ЭМЯ-ны Төрийн нарийн бичгийн дарга Ц.Эрдэмбилэг хэлж байсан билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
