АЗАРГА: Төв аймгийн уяач Б.Нямжавын хээр түрүү магнайд хурдаллаа. Хурдан хүлгийг 11 настай Б.Энхбаяр хүү унажээ

Гэрэл зургийг MPA агентлагийн онцгой зөвшөөрөлтэйгөөр ашиглав

Ардын хувьсгалын 100, 101 жилийн ой, Үндэсний их баяр наадмын хурдан азарганууд барианд орлоо.

Газар газрын 202 шандаст хүлэг тоосоо өргөснөөс Төв аймгийн харьяат уяач Б.Нямжавын хээр азарга түрүү магнайд хурдаллаа. Хурдан хүлгийг 1770 дугаартай, 11 настай Б.Энхбаяр уналаа.

 

Гэрэл зургийг MPA агентлагийн онцгой зөвшөөрөлтэйгөөр ашиглав

Аман хүзүүд: Булган аймгийн харьяат уяач Х.Аминхишигийн хүрэн халзан давхиж, 12 настай, 17 дугаартай Х.Баярбасгалан унаж хоёрт орж ирлээ.

 

Гэрэл зургийг MPA агентлагийн онцгой зөвшөөрөлтэйгөөр ашиглав

Айргийн гуравт: Өвөрхангай аймгийн харьяат П.Батсайханы зээрд халзан, унаач хүүхэд нь 800 дугаартай, 12 настай Ц.Пүрэвбаатар

Айргийн дөрөвт: Завхан аймгийн Тосонцэнгэл сумын Т.Ууганбаярын хүрэнг 301 дугаартай, 11 настай Н.Билэгтсайхан унаж хурдалууллаа.

 

Гэрэл зургийг MPA агентлагийн онцгой зөвшөөрөлтэйгөөр ашиглав

Хөвсгөл аймгийн харьяат уяач Г.Батболдын халтар азарга айргийн тавд давхилаа. Халтар азаргийг 1 дугаартай, 9 настай Б.Хүслэн хүү унажээ.

Зургаад: Хөвсгөл аймгийн Мөрөн сумын харьяат Д.Даянчимэдийн нарт хонгор азарга

Долоод: Завхан аймгийн Алдархаан сумын харьяат Ч.Болд-Эрдэнийн хээр азарга

Наймд: Булган аймгийн Гурванбулаг сумын харьяат С.Гал-Эрдэнийн нандинхонгор азарга

Есөд: Хөвсгөл аймгийн Бүрэнтогтох сумын харьяат Д.Отгонлхагвын хүрэн азарга

Аравт: Архангай аймгийн Төвшрүүлэх сумын Ц.Буянбаатарын хүрэл халзан азарга тус тус хурдаллаа.

Үндэсний их баяр наадмын их насны морьдын уралдаан өнөөдөр 12:00-15:00 цагийн хооронд явагдана.