ЕРӨНХИЙЛӨГЧИЙН СОНГУУЛЬ: 15:00 цагийн байдлаар ирц улсын хэмжээнд 32.7%-д хүрлээ

iKon.mn Ерөнхийлөгчийн сонгууль-2021 хуудсыг нээлээ.

Та уг хуудаст зочилж нийслэлийн 9 дүүрэг болон 21 аймгийн сонгогчдын ирцийг цаг тухай бүрд нь харах боломжтой.

15:00 цагийн байдлаар Ерөнхийлөгчийн сонгуулийн ирц улсын хэмжээнд 32.7%-д хүрчээ. Ирцийн дүнгээс харвал 20-24 насныхан идэвх муутай хэвээр буюу 19.6%-тай байна. Энэ насны 216,569 сонгогч саналаа өгөхөөс 42,438 нь сонгуульдаа оролцжээ.

Харин анх удаа буюу 18 нас хүрч, сонгуульд оролцож буй залуусын ирц 27.2% байна. 18-19 насны 83,108 сонгогч саналаа өгөхөөр нэрсийн жагсаалтад бүртгэгдсэн байна. Үүнээс 22,592 нь саналаа өгчээ.

Сонгуульдаа хамгийн идэвхтэй оролцож байгаа нь ахмад насныхан байгаа нь Ерөнхийлөгчийн сонгууль-2021 хуудсаас харагдаж байна.

Аймаг, дүүргийн нэр дээр хулганаа даран сонгогчдын хүйс, нас болон ирцийн талаарх дэлгэрэнгүй мэдээллийг харна уу.

 

Ерөнхийлөгчийн сонгуулийн санал хураалт дуусах үеэр буюу 22:00 цагт гурван нэр дэвшигчийн санал авсан тоог харуулах болно.

Доорх графикаас харахад 20-34 настай сонгогчид нийт сонгогчдын 36% боловч санал өгсөн сонгогчдын 24%, харин 50+ настай сонгогчид нийт сонгогчдын 27% боловч санал өгсөн сонгогчдын 40% байна.