Улаанбаатар хотоос гарах хөдөлгөөн нээснээс хойш COVID-19-ийн халдвар 13 АЙМАГТ тархлаа

Коронавирусийн халдварын батлагдсан тохиолдол хоногт 437-оор нэмэгдэж, өнгөрсөн 13 сарын хамгийн дээд түвшинд хүрэв.

Үүнээс 67 тохиолдол нь орон нутагт бүртгэгдсэнээс Хэнтий аймаг шинээр нэмэгдэж байна. Тус аймаг руу Улаанбаатар хотоос очсон нэг иргэнээс өмнө нь халдвар батлагдсан ч ЭМЯ Хэнтий аймагт бүртгээгүй байсан юм.

График. Улаанбаатараас халдвар зөөвөрлөгдсөн аймгууд(Аймаг бүрийн нэр дээр дарж, зөөвөрлөгдсөн халдвар бүртгэгдсэн мэдээллийг харах боломжтой)

Ийнхүү гуравдугаар сарын 1-нээс Улаанбаатар хотоос гарах хөдөлгөөнийг нээснээс хойш 13 АЙМАГТ коронавирусийн халдвар тархаад байна.

Одоогоор Засгийн газар, УОК хөл хорио тогтоохгүй гэдгээ мэдэгдээд байгаа юм.