Л.Цэдэвсүрэн: Хичээл сургалтын үйл ажиллагааг хэрхэн зохион байгуулахыг маргааш Засгийн газрын хуралдаанаар эцэслэнэ

Гэрэл зургийг mpa.mn

Улсын Онцгой комиссын ээлжит хуралдаанаар ерөнхий боловсролын сургууль, цэцэрлэгийн үйл ажиллагааг 2020 оны есдүгээр сарын 1-нээс эхлүүлэхээр шийдвэрлэлээ. 

2020-2021 оны хичээлийн жилд баримтлах журам, халдвар хамгааллын дэглэмийн талаар танилцуулж байна. 

Шууд үзэх:

БШУ-ны сайд Л.Цэдэвсүрэн "2020-2021 оны хичээлийн жилийг хэрхэн зохион байгуулах талаар ажлын хэсэг байгуулан, судалж ажиллалаа. Өнөөдөр УОК-т хувилбаруудаа танилцуулсан. Маргааш Засгийн газрын хуралдаанаар эцэслэн шийдвэрлүүлэх юм. 

2019-2020 оны хичээлийн жилд нийт 75 өдрийн сургалтыг теле хэлбэрээр зохион байгуулсан. 

2020-2021 оны хичээлийн жилд цэцэрлэгт 305,000 гаруй хүүхэд, ерөнхий боловсролын сургуульд 682,000 гаруй сурагч, 150 мянган оюутан суралцах ёстой. Бүх шатгны сургалтын үйл ажиллагааг хэрхэн эхлүүлэх, ямар хувилбараар зохион байгуулах талаар УОК-оос өнөөдөр тодорхой чиглэлүүд авлаа. 

Маргааш Монгол Улсын Засгийн газрын хуралдаанаар эцэслэн шийдвэрлэнэ. Засгийн газрын албан ёсны шийдвэр гарсны дараагаар Боловсрол, шинжлэх ухааны яамнаас хэвлэлийн хурал хийж, зарлах болно" гэлээ. 

Мэдээллийн дараагаар сэтгүүлчид БШУ-ын сайд Л.Цэдэвсүрэнгээс сургууль, цэцэрлэгийн үйл ажиллагааг хэзээнээс эхлүүлэхээр тооцоолсон талаар тодруулахад "Хичээлийн жилийг хэзээ эхлүүлэхийг олон талаар судалж байгаа. Есдүгээр сарын 1-нээс эхлүүлэх эсэх, эхлүүлсэн тохиолдолд ямар үе шаттайгаар зохион байгуулахыг ч судалж байгаа.

Цэцэрлэг, ерөнхий боловсролын сургууль, их, дээд сургууль нь өөрсдийн гэсэн онцлогтой. Онцлог бүрт нь тохирсон хувилбарыг судалж, маргааш Засгийн газрын хуралдаанд танилцуулна" гэв.