ФОТО: Алтанбулаг боомтоор 188 монгол иргэнийг татан авлаа
ОХУ-аас эх орондоо ирж буй иргэдийг Алтанбулаг боомтоор татан авах ажиллагаа явагдаж байна. Тэдний биеийн халууныг үзэж, асуумж, тандалт судалгааг авснаар тусгаарлах байруудад хуваарилж, 21 хоног ажиглалтад байлгана.
ГХЯ-ны Консулын газрын захирал Л.Мөнхтүшиг "Тавдугаар сарын 15-нд Эрхүү хотоос 200 орчим иргэнийг Алтанбулаг боомтоор татан авна" хэмээн мэдээлж байв.
Өчигдөр тус боомтоор 205 иргэнийг нэвтрүүлж, Сэлэнгэ, Орхон, Дархан-Уул аймагт тусгаарласан билээ.
2020.05.16: Алтанбулаг боомтоор тавдугаар сарын 15-ны өдөр 188 иргэн эх орондоо ирлээ. Тэднээс
- 57 иргэнийг Орхон аймагт,
- 122 иргэнийг Дархан-Уул аймагт,
- 9 иргэнийг Сэлэнгэ аймагт тусгаарлахаар шилжүүлжээ.
Нийт 188 иргэнд эрүүл мэндийн тандалт хийж биеийн халууныг хэмжин асуумж судалгаа авч 182 иргэнийг ажиглалтад, 6 иргэнийг сэжигтэй тохиолдлоор тусгаарлав.
Эх сурвалж: Сүхбаатар аймгийн Хилийн мэргэжлийн хяналтын алба
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
