Сөүл-Улаанбаатар чиглэлийн транзит нислэгээр 278 иргэн эх орондоо ирлээ
УОК-оос гаргасан шийдвэрийн дагуу ойрын өдрүүдэд гурван онгоц хүлээн авахаар төлөвлөсөн билээ.
Эхний онгоц болох Сөүл-Улаанбаатар чиглэлийн транзит нислэгээр долоон улсаас нийт 278 иргэн иргэн эх орондоо ирлээ.
Уг онгоц Сөүлээс 17:42 цагт хөөрч, Чингис хаан олон улсын нисэх буудалд 20:41 цагт газардлаа.
"Зорчигчдыг сонгоход бид маш төвөгтэй шийдвэрүүдийг гаргаж байгаа. АНУ, Европын орнуудад байгаа иргэдээс 3,000 гаруй хүн нутаг буцах хүсэлт гаргасны 1,074 нь УОК-оос тавьж байгаа таван шаардлагыг хангасан хүмүүсийг сонгож авах ажлыг хийлээ.
УОК-т ирж байгаа өргөдөл дээр эрүүл мэндийн шалтгаан зонхилж байгаа" гэдгийг өмнө нь Гадаад харилцааны яамны Консулын газрын дарга Л.Мөнхтүшиг өчигдөр мэдээлж байв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
