• 6 сарын 28, Мягмар
Уншиж байна ...
ХУУЧИРСАН МЭДЭЭ: 2020/04/26-НД НИЙТЛЭГДСЭН

Монгол Улсад шинэ коронавирусийн халдварын 38 дахь тохиолдол бүртгэгдлээ

Г.Мөрөн, iKon.mn
2020 оны 4 сарын 26
iKon.MN
Зураг зураг
mpa.mn

Эрүүл мэндийн яамны өнөөдрийн мэдээллийн үеэр ХӨСҮТ-ийн захирал Д.Нямхүү дараах мэдээллийг хийлээ.

Тэрбээр "ХӨСҮТ болон Дархан-Уул аймгийн оношлогооны төвүүдэд 209 шинжилгээ хийсэн. Эдгээрт коронавирус илрээгүй. Тандалтын зорилгоор 9 сорьцонд хийсэн шинжилгээнүүдэд коронавирус илрээгүй.

Мөн Дархан-Уул аймагт Алтанбулагийн боомтоор орж ирсэн 32 хүний шинжилгээг хийсэн, коронавирус илрээгүй байна.

ХӨСҮТ-д тусгаарласан 30, ажиглах байранд байгаа 137 нийт 167 хүнд давтан шинжилгээ хийснээс 166-д коронавирус илрээгүй.

Нэг хүнд гурав дахь давтан шинжилгээгээр коронавирус илэрлээ.  Энэ нь Москвагаас ирсэн оюутан юм.

Өнөөдрийн байдлаар эдгэрсэн хүний тоо нийт 9 болж нэгээр нэмэгдсэн. Франц иргэний биеийн байдал сайн байгаа" гэв.

Ингэснээр Монгол Улсад шинэ коронавирусийн халдварын 38 тохиолдол бүртгэгдэж байна.

Видео:

https://www.facebook.com/www.mohs.mn/videos/234350747672625/

 

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.