Уншиж байна ...
Зураг
Зураг
ХУУЧИРСАН МЭДЭЭ: 2019/08/29-НД НИЙТЛЭГДСЭН

ФОТО: Хуульчид Шүүхийн хараат бус байдлын төлөө цуглалаа

Б.Бадамгарав, IKon.mn
2019 оны 8 сарын 29
iKon.MN
Зураг зураг
Гэрэл зургийг Mpa.mn

УИХ-аар Үндсэн хуулийн нэмэлт өөрчлөлт хэлэлцэж буйтай холбогдуулж Монголын хуульчдын нийгэмлэг ТББ-аас өнөөдөр тайван жагсаал зохион байгуулж, жагсаалд ирсэн хуульчид Үндсэн хуулийн нэмэлт өөрчлөлтийн төслийн шүүхтэй холбоотой хэсгийн талаар УИХ-ын гишүүдэд дараах шаардлага хүргүүлэхээр санал нэгдсэн байна.

Төрийн байгуулалтын байнгын хорооноос дэмжээд буй гурван заалтыг Үндсэн хуульд тусгавал шүүхийг хараат бус, шударга болгоход чухам алхам болно хэмээн хуульчид үзэж байгаа юм. 

“Одоогийн зохицуулалтаар шүүх эрх мэдэл нэг хүнээс хэт хамааралтай байна. Жишээлбэл, шүүгчийн томилгоо, Шүүхийн ерөнхий зөвлөл, Шүүгчийн сахилгын хороо нь ч бас хамааралтай. Энэ тохиолдолд шүүхийн хараат бус байдал зөрчигдөх магадлал их” хэмээн Монгол хуульчдын холбооны Ерөнхийлөгч Ж.Хунан Хараат бус шүүхийн төлөөх хуульчдын цуглааны үеэр хэлэв.

Үндсэн хуулийн нэмэлт өөрчлөлтийн төсөлд шүүх мэдэлтэй холбоотой гурван заалт бий. Түүнийг хуульчид дэмжиж, шүүхийн хараат бус байдлыг Үндсэн хуульдаа баталгаажуулан, бэхжүүлэх нь зөв хэмээн дуу хоолойгоо нэгтгэж буй нь энэ юм.

Өмгөөлөгч Н.Баасанжав “Шүүхийг Засаг захиргааны нэгжээс тусдаа буюу тойргийн системээр байгуулах ёстой хэмээсэн Ерөнхийлөгчийн саналыг дэмжиж байгаа. Зарим аймгийн шүүхэд улиралд нэг удаа шүүх хурал болж байхад нийслэлийн дүүргүүдэд нэг шүүгчид 100 гаруй хэрэг оногдож байна. Тиймээс хүн амын төвлөрлийг харгалзах нь зөв” гэлээ. 

Түүнчлэн хуульчид Шүүхийн ерөнхий зөвлөлийг 10 гишүүнээс бүрддэг байхаар хуульчлахыг дэмжиж байгаа юм. Ингэснээр нэг хүнд ногдох эрх мэдлийг саармагжуулж байгаа нь давуу талтай гэлээ. 

Монголын хуульчдын нийгэмлэгээс УИХ-ын гишүүдэд хүргүүлж буй шаардлагатай танилцана уу 

Үндсэн хуулийн нэмэлт өөрчлөлтийн төсөлд Шүүхийн ерөнхий зөвлөлийн гишүүн дөрвөн жилийн хугацаагаар зөвхөн нэгэн бүрэн эрхийн хугацаанд ажиллахаар тусгасан. Үүний тавыг Улсын Их Хурлын холбогдох Байнгын хороо нэр дэвшүүлэн томилгооны сонсгол хийж, Улсын Их Хурал хуралдаанд оролцсон гишүүдийн гуравны хоёроос доошгүйн саналаар томилно. Тэдгээр нь хууль зүйн өндөр мэргэшилтэй, мэргэжлээрээ арваас доошгүй жил ажилласан Монгол Улсын иргэн байна гэж томьёолсон. 

Харин нэг гишүүнийг хяналтын шатны шүүхийн шүүгчдээс, нэгийг давж заалдах шатны шүүхийн шүүгчдээс, гурвыг анхан шатны шүүхийн шүүгчдээс тус бүр дундаасаа сонгоно хэмээжээ. 

ФОТО:

Гэрэл зургийг mpa.mn

Зураг
Зураг
Зураг
Зураг
Зураг
Зураг
Зураг
Зураг
Зураг
Зураг