ХЯЗААЛАН: Хөвсгөл аймгийн харьяат Тод манлай уяач Д.Даяндэмидийн хонгор үрээ торгон жолоогоо өргүүллээ
Тулгар Төрийн 2228, Их Монгол Улс байгуулагдсаны 813, Ардын хувьсгалын 98 жилийн ой, Үндэсний их баяр Наадмын хурдан хязаалангууд барианд орж ирлээ.
Түрүү магнай: Хөвсгөл аймгийн Мөрөн сумын харьяат Монгол Улсын тод манлай уяач Д.Даяндэмидийн хонгор үрээ түрүүлж, торгон жолоогоо өргүүллээ. Хурдан үрээг 303 дугаартай хүүхэд унасан байна.
Аман хүзүүнд: Өвөрхангай аймгийн Баян-Өндөр сумын харьяат Д.Мөнхбатын зээрд үрээ. Уралдаанч хүүхдийн дугаар 97.
Айргийн гуравт: Баянхонгор аймгийн Бууцагаан сумын уяач Н.Баттөмөрийн хүрэн үрээ. Уралдаанч хүүхдийн дугаар 881.
Айргийн дөрөвт: Улаанбаатар хотын Чингэлтэй дүүргийн уяач Т.Цогбадрахын цавьдар зээрд. Уралдаанч хүүхдийн дугаар 11.
Айргийн тавд: Төв аймгийн Баян сумын уугуул Х.Нямжавын хээр хурдалж наадамчин олноо баясгалаа. Уралдаанч хүүхдийн дугаар 509.
Хязаалан насны морьдын уралдаанд 298 хүлэг бүртгүүлснээс 184 нь шандсаа сорилоо гэж Хурдан морины салбар комиссоос мэдээллээ.
Хуваарь ёсоор 14.00-16.30 цагт Шүдлэн насны морьдын уралдаан Хүй долоон худагт болно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
