2019/09/17
Америк доллар
МОНГОЛ БАНК:
2,670.51₮
B30
УЛААНБААТАР
14°
|
B30
УЛААНБААТАР
21°
|
B30
УЛААНБААТАР
18°
|
06:00
S31
07:00
S32
08:00
S32
09:00
S32
10:00
S32
11:00
S32
12:00
S32
13:00
S32
10°
14:00
S32
11°
15:00
S32
12°
16:00
S32
13°
17:00
S32
13°
Энэ мэдээ хуучирсан буюу 2018/07/04 -нд нийтлэгдсэн мэдээ болно.

Гүртэнгийн иж бүрэн хувцас, Далай ламын тамгатай шар торгон өргөмжлөлийг анх удаа үзүүллээ

Б.Сувд, iKon.mn
2018 оны 7 сарын 4
iKon.MN
Гэрэл зургийг mpa.mn

Үндэсний их Улсын баяр наадмын өмнө Монголчуудын уламжлалт шүтээн, сахиусны холбогдолтой 70 гаруй эд өлгийн зүйлсийг дээжлэн дэлгэлээ.

Монголын Үндэсний Музей өөрийн сан хөмрөгөөс гаргаж буй үзэсгэлэн наймдугаар сарын 25-ныг хүртэл үргэлжилнэ.

Үзэсгэлэнд Бөө болон Чойжин гүртэнгийн иж бүрэн хувцас, онго шүтээн, сахиус

Гэрэл зургийг mpa.mn

Халх Монголын шарын шашны тэргүүн Богдыг өргөмжлөх Далай лам, Банчин эрдэнийн тамга бүхий шар торгон өргөмжлөлийг анх удаа олон нийтэд үзүүллээ. 

Гэрэл зургийг mpa.mn

Монголын Үндэсний музей судлалын мэргэжил-арга зүйн төвийн дарга Д.Бумаа:

Манай музейд бурхны шашин, зан үйлтэй холбоотой цуглуулгууд нийт сан хөмрөгийн 7 хувийг эзэлдэг. Монголын Үндэсний музей сүүлийн гурван жилийн хугацаанд жил бүр хоёроос дөрвөн тусгайлсан үзэсгэлэнг өөрийн сан хөмрөгөөс гарган үзүүлж байгаа. 2016 онд “Монгол тамга”, 2017 онд “Шинэ үзмэрийн дээжис IV”, “Монголчуудын уламжлалт гар урлал” гэсэн үзэсгэлэн гаргаж байсан. Энэ жил “Монголын уламжлалт сав суулга” мөн “Монголын уламжлалт шүтээн, сахиус” гэсэн үзэсгэлэнгүүд гаргаж байна.

Гэрэл зургийг mpa.mn

Монголын Үндэсний Музейн эрдэм шинжилгээний ажилтан Ж.Наранчимэг:

Өнөөдрийн үзмэрүүд ихэвчлэн Увс, Хэнтий, Хөвсгөл аймгаас ирсэн. Шүтээн, сахиусны холбогдолтой цуглуулгууд 60, 70-аад оноос эхэлж байна. Харин Археологийн олдвороос олдсон чулуун онгонууд маань цаг үе нь тодорхойгүй байгаа. Үүнийг харьцуулсан судалгаа хийж тодорхойлно.

Монгол оронд уламжлалт шүтээн, сахиусны хувьд бөө болон бурхны шашин гэсэн хоёр хэсэгт хуваагддаг. Бөө мөргөл нь бурхны шашнаас үүсэл гарлын хувьд илүү эртний гэж тооцогддог. Монголчууд нүүдэлчин амьдралтай учраас бөөгийн шашныг орхиж, халж чадаагүй. Ахуй амьдралд нь нэвт ууссан хэвээрээ байна. Монголчуудын уламжлалт сэтгэлгээнд бөө мөргөл, бурхны шашин хоёр зэрэгцэн оршсоор байгаа. 

Бурхны шашинд бөөгийн шашны уламжлалаас авсан зүйл их байдаг нь Чойжингийн хувцас хэрэглэл бөөгийн хувцас хэрэглэлтэй адил төстэй зүйл байгаагаас нь харж болно. Харин ялгаатай зүйл нь бурханы шашны бэлгэдэл, элементүүд оруулснаар ялгагдаж байдаг. 

Хоёр гол үзмэрийн нэг нь “Чойжингийн эдлэл хэрэглэл”. Энэ нь Чойжин сахиусыг биедээ оршоох Гүртэн хүний хувцас хэрэгсэл иж бүрнээрээ гарснаараа онцлог юм. 

Өөр нэг онцлох үзмэр нь “Далай ламын тамгатай шар торгон өргөмжлөл” XVIII-р зууны үед хамааралтай бөгөөд Төвдийн Банчин эрдэнэ болон Далай лам нарын дардас дарагдсан байдаг гэлээ.

Гэрэл зургууд:

x