ИНФОГРАФИК: Ерөнхийлөгч болон УИХ-ын гишүүдийн 2016 оны хөрөнгө орлогын мэдүүлэг

ikon.mn төрийн өндөр дээд албан тушаалтнуудын 2016 оны хөрөнгө орлогын мэдүүлгийг цувралаар танилцуулж байна. 

Бид эхний инфографикт Ерөнхийлөгч, УИХ-ын 76 гишүүнийн хөрөнгө орлогыг:

1. Орлого
2. Гэр бүлийн орлого
3. Орон сууц, барилга байгууламж
4. Тээврийн хэрэгсэл
5. Мал аж ахуй
6. Газар
7. Үнэт эдлэл, урлаг, түүхийн үнэт зүйлс
8. Хадгаламж бэлэн мөнгө, дансны үлдэгдэл
9. Авлага
10. Зээл гэсэн 10 хэсгээр задлан ХАРЬЦУУЛАН харуулж байна. 

Энэ удаагийн хөрөнгө орлогын мэдүүлгийн хамгийн, хамгийн нь:

• Ж.Энхбаяр гишүүн 2016 онд 4.96 тэрбум төгрөгийн ОРЛОГО олж бусдыгаа тэргүүлсэн байна. 
• Ж.Ганбаатар гишүүний ГЭР БҮЛ НЬ 1.68 тэрбум төгрөгийн орлого олсон нь энэ төрөлд нөхдөө тэргүүлэхэд хүргэсэн байна. 
• Тэгвэл А.Сүхбат гишүүн 9.29 тэрбум төгрөгийн үнэ бүхий ОРОН СУУЦ, БАРИЛГА БАЙГУУЛАМЖТАЙ нь энэ төрөлдөө хамгийн их хөрөнгөтэй нь байгаа юм. 
• Харин Б.Наранхүү гишүүн 1.05 тэрбум төгрөгийн үнэ бүхий ТЭЭВРИЙН ХЭРЭГСЭЛТЭЙгээр ангийн нөхөд дотроо толгой цохиж байна. 
• МАЛ АЖ АХУЙГААРАА харин УИХ-ын дарга М.Энхболд тэргүүлсэн байна. Тэрбээр энэ төрлийн хөрөнгөө 900 сая төгрөгөөр үнэлсэн байна. 
• М.Билэгт гишүүн 4.21 тэрбум төгрөгийн үнэлгээтэй газартай нь энэ төрөлдөө хамгийн өндөр үнэлгээтэй нь юм байна. 
•  ҮНЭТ ЭДЛЭЛ, УРЛАГ ТҮҮХИЙН ҮНЭТ ЗҮЙЛТЭЙгээрээ А.Сүхбат толгой цохиж байна. Тэрбээр  2.2 тэрбумын үнэ бүхий үнэт зүйлстэй гэж мэдүүлжээ. 
•  ХАДГАЛАМЖ, БЭЛЭН МӨНГӨ, ДАНСНЫ ҮЛДЭГДЭЛ-ээрээ Б.Наранхүү гишүүн 1.86 тэрбум төгрөгтэй гэж энэ төрлөө тэргүүлж байна. 
• М.Билэгт гишүүн 12.90 тэрбум төгрөгийн буюу хамгийн их АВЛАГАТАЙ нь болж байна.  
• Харин Д.Сумъяабазар гишүүн 1.23 тэрбум төгрөгийн ЗЭЭЛТЭЙгээрээ бусдыгаа манлайлж байна. 

1. Монгол Улсын Ерөнхийлөгч болон УИХ-ын 76 гишүүний 2016 оны Хөрөнгө орлогын мэдүүлэг

(Хөндлөн чиглэлийн сум дээр дарж хөрөнгө, орлогын төрлүүдийг өөрчилж үзээрэй)