Нохой жилийн СУУДЛЫН ЗАСАЛ ба ЗҮГ МӨР ГАРГАХ
Эрхэм Танд XVII жарны "ТИЙН УНЖЛАГАТ" хэмээх шороон нохой жилийн мөр гаргах зурхай болон хийлгэх суудлын заслыг хүргэж байна.
/Харгалзах дугуй дүрс дээр дарж дэлгэрэнгүй мэдээлэл авна уу. Буцах үйлдэл хийхдээ голын дугуй дүрс дээр дарна уу./
Эрэгтэй хүний "билгийн" насыг "Гал"-аас нар зөв, эмэгтэй хүнийг "Ус"-наас нар буруу тойруулан тоолж энэ жил ямар хөлөлд суусныг олно.
Шинийн нэгний өглөө зүг чигээ гаргахдаа, тухайн жилд суусан хөлөлийн цог хийморийн зүгт гарч, буян хишгийн зүгээс ирдэг уламжлалтай. Хэрвээ мөр гаргах зүгт “хар нохойн ам” таарвал эмийн ба амин зүгт мөрөө гаргаад, буян хишгийн зүгээс гэртээ ирнэ. “Тийн унжлагат” хэмээх шороон нохой жилийн “хар нохойн ам” жилийнх нь баруун хойд, сарынх нь зүүн, өдрийнх нь зүүн зүгт харсан байна.
Шороо, огторгуй, уул, хий суудалд суувал Суудал өнцөгдсөний, нэг гэр бүлийн нөхөр, эхнэр хоёр нэг суудалд давхацвал Суудал салгуулах засал хийлгэдэг болой.
/Зурхайг Монголын бурхан шашинтны төв Гандантэгчинлэн хийдийн лам, "Дорно Өрнийн сарын зурхай" сонины эрхлэгч, зурхайч Д.Цогтбаатарын зөвшөөрөлтэйгөөр нийтлэв/
